Dehálaš galledanbáikkit Finnmárkkus
Finnmárkui sáhtát johtit iešguđet vuogi mielde. Gávdnojit lunddolaš bisánanbáikkit gos beasat johtit viidáseappot Snelandia almmolaš sáhtuiguin.
Finnmárkku stuorámus girdišiljut gosa stuora girdit seivot:
- Áltá
- Girkonjárga
- Leavdnja
Jos deike seaivvut, de ávžžuhat geavahit Snelandia mátkeplánareaiddu gávdnat buoremus almmolaš sáhttofálaldaga vai beasat johtit dohko gosa háliidat!
Jos ovdamearkka dihte boađát Riddoruvttuin, mii beaivválaččat orusta ollu hámmaniin Finnmárkkurittus, de lea dus vejolašvuohta mátkki joatkit Snelandia bussiiguin ja fatnasiiguin.
Finnmárkui lea álki beassat bussiin mii vuolgá Romssas Áltái. Okta molssaeaktu lea Romssa fylkkajohtolaga busseruvtto 150 mielde mátkkoštit.
Vásáhusat
Loga eanet almmolaš sáhttofálaldagaid mátkkoštanvejolašvuođaid birra
Mátkkoštit geassebileahtain
Almmolaš sáhttofálaldagat
Finnmárkkus leat ollu smávva báikkit gos sáhttofálaldat lea ráddjejuvvon, nu ahte loga fal sáhtuid vuolgináiggiid hui dárkilit. Dábálaččat čuvvot báikkálaš busset leaktofatnasiid ja fearggaid vuolgin- ja boahtináiggiid.
Gávpotbusset leat buot gávpogiin ja čoahkkebáikkiin. Doppe johtet busset dávjjibut, ja Hámmarfeasttas ja Girkonjárggas lea busse áibbas dárbbašlaš vai turisttat besset návddašit buot oaidnámušaid.
Leaktofatnasiid ja fearggaid mielde lea hui vuogas johtit jos háliidat návddašit Finnmárkkurittu erenoamáš luonddu. Leat ollu leaktofatnasat ja fearggat maiguin gánnáha johtit smávit báikkiide vásihit buhtes luonddu gos beassá vánddardit ja fitnat guollebivddus.
Nordnorge.com siidduin leat eanet dieđut vejolašvuođaid birra jos válljet johtit báikkálaš bussiid mielde.
Ollu gálvvut mielde go jođát
Loga eanet gálvvuid birra dáppe