
📲Pláne mátkki Snelandia Mátki-áppas, ja čuovo mielde gos busse lea juste dál
Áppas sáhtát ohcat mátkkiid ja oaidnit gos kollektiivajohtolat lea juste dál. Lea vuogas stuorra guovllus nugo Finnmárkkus, goittotge jus leat galledeamen amas báikki!
⛴️Sáhtát maid geavahit Entur
Sáhtát maid ohcat mátkkiid ja oastit bileahta našunála mátkeplánareaiddus Entur.
FUOM! Iskka álo ruktoáiggiid ovdal go vuolggat – erenoamážit allabasiid ja luomuid áigge – geavat mátkeplánareaiddu dahje Snelandia Mátki-áppa. Geasseruvttuid gávnnat ruktotabeallas!
🎫Gávnna bileahta mii dutnje heive
Dihtet go ahte mii fállat iešguđetlágan bileahtaid ja hálbbádusaid?
Gánnáha iskat guhte bileahtta dutnje heive, beroškeahttá mátkkoštat go dávjá vai hárve. Mii fállat earret eará eaŋkilbileahta, áigodatbileahta ja sierra bileahtaid mánáide ja nuoraide.
Hattit molsašuddet mátkegaskka, bileahta ja agi ektui.
Gávnnat maid bajilgova bileahttagálvvuid, hattiid ja hálbbádusaid birra dás.
🫰🏻Oastte bileahta ovdalgihtii
Snelandia Mobillett áppas sáhtát oastit hálbbimus eaŋkilbileahtaid. Go máŋggas ostet bileahta ovddalgihtii, de lávket sisa ja olggos busses manná jođáneappo.
Ii dus leat smartátelefovdna dahje dihtorduolbbus? Ii leat heahtti! Loga lasi dan birra artihkkalis: Mo oastit bileahta.
🎟️Muitte fal: bileahtta ii dáhkit dutnje saji
✅Muitte gustovaš bileahta
Ale verroš! Bileahtta ferte gustovaš mátkki álggus gitta lohppii. Soaitá šaddat bileahttadárkun váikko goas. Jus dus ii leat bileahtta, de oaččut unnimusat 750 kruvnnu divada – lassin vel heahpatlaš geahčastagaide. Bileahttaverrošeapmi lea láhkarihkkun ja mielddisbuktá 1500 kruvdnosaš divada, ja vejolaš váidima.
⛴️Áiggut go leaktofatnasiin mátkkoštit? Juohke sáhttu lea signálsáhttu
Juohke Snelandia leaktofanassáhttu lea dál signálsáhttu. Dat mearkkaša ahte fanas dušše bisána jus leat ovddalgihtii diŋgon mátki. Jus it diŋgo, de fanas ii bisán hápmanis. Spiehkastat lea Áltá–Hámmerfeasta VargsundXpressen rukto 330, mas leat fásta ruktoáiggit.
Áigemearri diŋgot fanasmátkki lea maŋimusat 2 diimmu ovdal rukto álggahuvvo. Jus áiggut iđđes árrat mátkkoštit, de fertet diŋgot maŋimustá dii. 21.00 eahkeda ovdal.
Loga lasi artihkkalis signálsáhtu birra.
🚲 Sihkkel ja stuorra gálvvut – jus lea sadji
Sáhtát váldit fárrui sihkkeliid, stuorra gálvvuid ja erenoamáš gálvvuid sierra bileahtain, nu guhká go lea sadji busses dahje fatnasis. Huššás geassebeivviid soaitá dievvat jođánit. Jus lehpet máŋggas mátkkošteamen sihkkeliiguin seammás – ovdamearkka dihte muhtin doaluide dahje gilvvuide – mii bivdit ahte váldibehtet oktavuođa geavaheaddjibálvalusain buori áiggis, vai mii beassat buoremus lági mielde plánet. Gávnna iežat bileahttahatti.
👋🏻Čájet bussevuoddjái ahte áiggut busse mielde
Čájet bussevuoddjái ahte áiggut fárrui go busse lahkona, ja čuojat Bisán-boalu ovdal go áiggut eret. Dalle šaddá mátki álkit sihke dutnje ja vuoddjái.
🔁 Áiggut go molsut busse? Ráhkkan bures
Máŋga ruvttot deaivvadit guovddášsajiin miehtá fylkka, nugo Leaibevuonas. Jus áiggut molsut busse, de berret iskat guđe ruvtto mielde áiggut ja vuordit bussebisánansajis buori áiggis. Geavat áinnas mátkeplánareaiddu iskan dihte gos ja goas busse vuolgá.
💕 Vuhtiiváldde eará mátkkošteddjiid ja fuolat iežat
- Bija lávkkat láhttái, iige sierra stullui. Vuhtiiváldde vuorrasiid ja earáid guđet dárbbašit čohkkánsaji.
- Geavat álo dorvoboahkána – maiddái go leat «dušše moadde bisánansaji» mátkkošteamen.
- Ale rieja. Beasat musihka, podkásta dahje tv-ráidduid návddašit belljosiiguin – ii goassige skájanasas.
🧣Muitte váldit fárrui buot iežat ávdnasiid
Mátkkošteaddjit dávjá guđđet belljosiid, gođđosiid, ladera ja čáhcebohttala bussii. Iskka iežat stuolu ovdal go lávket busses olggos.
Leat go láhppán juoga? Loga lasi láhppon gálvvuid birra dás.
🌦️Mátkedáhkádus – busses ja fatnasis
Dus soitet vuoigatvuođat mátkedáhkádusa olis jus mátki maŋŋona dahje bissehuvvo. Leat sierra eavttut busses ja leaktofatnasis.
🚌Busse
Jus busse ii boađe, ja don maŋŋonat eambbo go 20 minuhta, de sáhtát gáibidit oažžut eará sáhttu buhtaduvvon.
Mátkedáhkádus ii gusto:
- Jus busse lea dievva, ja don livččet sáhttit eará busse váldit.
- Jus maŋŋoneapmi lei ovddalgihtii dieđihuvvon dahje jus lea heajos dálkki/siivvu sivas.
Loga lasi mátkedáhkádusa eavttuid birra, ja buhtadusskovi siiddus Busse mátkedáhkádus.
Hámmerfeastta hápman geasi 2026.
Sunniva Tønsberg Gaski/FFK
⛴️ Leaktofanas
Jus leaktofanas bissehuvvo dahje maŋŋona eambbo go 90 minuhta, de buhtaduvvo du bileahtta čieža beaivvi siskkobealde, dahje oaččut ođđa mátkeruvtto seamma haddái ja eavttuiguin. Mii máksit droššegoluid dahje eará sáhttogoluid jus eat sáhte fállat ođđa mátkeruvtto.
Mátkedáhkádus ii gusto earret eará:
- go leat 30 minuhta dahje unnit boahtte vuolgagii
- go maŋŋoneapmi dahje bisseheapmi lea ovddalgihtii dieđihuvvon
- go lea erenoamáš dálki, omd. garra biekkat ja rávnnjit
Gávnnat buot eavttuid, buhtadussupmi ja ohcanskovi siiddus Lea go fanasmátki bissehuvvon?
🛬Sáhttá go Snelandiain mátkkoštit ovddos/maŋos girdihámmanii?
Mis eai leat sierra girdibusset ja min busseruvttot eai leat heivehuvvon girdiruvttuide, muhto máŋga ruvttot bisánit njuolga girdihámmana guora, ja danin soaitá álki mátkkoštit almmolaš sáhttofálaldagain. Geahča bajilgova dás vuolábealde.
Álttá girdihámman
- Rukto 42 (Øvre Alta–Alta lufthavn)
- Rukto 100 (Alta–Hammerfest)
- Rukto 110 (Alta–Nordkapp)
- Rukto 170 (Alta–Guovdageaidnu)
- Rukto 190 (Alta–Storslett)
Leavnnja girdihámman, Banak
- Rukto 130 (Vuonnabahta–Hammerfest)
- Rukto 140 (Kárášjohka–Hammerfest)
Kirkenes lufthavn, Høybuktmoen
Rukto 150 (Várggáidsuolu–Vuonnabahta–Girkonjárga)
Rukto 150 gaskal Girkonjárgga ja Várggáidsullo bisána Girkonjárgga girdihámmanis, muhto ii leat dattege girdebusse– lea dábálaš ekspressrukto ja ii heivehuvvo girdiáiggiide. Sáhtát lohkat lasi min neahttasiiddus, ja gávdnat priváhta molssaeavttuid.
Čáhcesullo girdihámman
Rukto 150 (Várggáidsuolu–Vuonnabahta–Girkonjárga)
Hámmerfeastta girdihámman
Ii bisán njuolga girdihámmana guora, muhto:
Rukto 30 (Prærien - Rypefjord) ja rukto 32 (Hammerfest - Forsøl) bisána Rema Fuglenes guora, sullii 300 mehtera girdihámmanis.
👨🏽👩🏻👧🏼👦🏼 Hálbbádus bearrašiidda vahkkoloahpaid
Rávesolmmoš guhte mátkkošta avádaga 1 siskkobealde gustovaš bileahtain oažžu váldit fárrui gitta 4 olbmo vuollel 18 jagi nuvttá lávvardagaid, sotnabeivviid ja bassebeivviid. Vuogas diehtit go bearašin mátkkošta!
💛Buorre mátki, mii oaidnalit!
Beroškeahttá gosa lea jođus, mii sávvat dutnje buori, oadjebas ja vuogas mátkki!
Geahča Snelandia veahkkefilmmaid.
Sáhtát čuojahit ruktodihtui tel.nr. 177, kunddarbálvalussii tel.nr. 75 77 18 88 – dahje e-postii: post@snelandia.no.
Sámegillii ođasmahttojuvvon: 17.11.2026
Samisk versjon oppdatert: 17.11.2026