Bestill signalanløp med hurtigbåt

Diŋgo signálsáhtu fatnasiin

Juohke hápmanis Snelandia leaktofanasruvttos lea signálsáhttu, earet Áltá–Hámmerfesta VargsundXpressen ruvttos 330. Fertet diŋgot signálsáhtu ovdal go fanas vuolgá – muđui ii bisán fanas.

Signálsáhttu geavahuvvo danne go leat unnán mátkkošteaddjit. Fanas bisána dušše go soames lea diŋgon sáhtu. Dán láhkai sáhttit doalahit sáhttofálaldaga ja hehttet geavaheames áiggi ja boaldámuša go ii leat dárbu – ja fanas sáhttá buoret čuovvut ruvttoáiggiid. 

Áigemearri diŋgot fanasmátkki lea unnimusat 2 diimmu ovdal rukto álggahuvvo. Dat mearkkaša 2 diimmu ovdal vuolgaga doppe gos rukto álgá, iige hápmanis gos don vuolggát. Jus áiggut iđđes árrat mátkkoštit (vuosttaš vuolgga čuovvovaš beaivve), de fertet diŋgot maŋimustá dii. 21.00 eahkeda ovdal.

Diŋgot signalsáhtu mearkkaša ahte bivddát fatnasa bisánit káijas. Muhto ii mearkkaš ahte dáhkidat dutnje saji fatnasis.

Fanas heiveha ruktoáiggiid káijaide gos lea diŋgojuvvon sáhttu, ja sáhttá maŋidit vuolgaga vuosttaš káijas. Fanas sáhttá vuolgit ovdal ruktoáiggi go káijas ii leat diŋgojuvvon sáhttu. 

Sáhtát maid diŋgot sáhtu dušše gálvvuide. Operatevra gieđahallá gálvvuid ja vejolaš fievrrádusbáhpáriid.

Jus it geargga diŋgot ovdal áigemeari, čuojat kunddarbálvalussii 75 77 18 88 nu fargga go vejolaš – jus earát leat diŋgon signalsáhtu seammá káijas de dábálaččat beasat fárrui jus lea dutnje sadji fatnasis. 

Dus ferte gustovaš bileahtta. Oastte dan Snelandia Mobillett áppas dahje fatnasis. Geahča hattiid. 

Máhcahit diŋgojumi

Jus háliidat cealkit eret diŋgojuvvon mátki de sáhtát čuojahit geavaheaddjibálvalussii tel. 75 77 18 88, dahje sáddet e-poastta post@snelandia.no.

Ná diŋgot

  1. Raba mátkeplánareaiddu dahje Snelandia Mátki áppa.
  2. Vállje gos ja gosa áiggut mátkkoštit.
  3. Deaddil “Diŋgo Snelandia Fleks”.

Bagadus čájeha bussemátki (dárogillii). Galggat juste seamma láhkai diŋgot leaktofatnasis. (Dahje geahča bagadusa sámegillii dás) 

Bilde av en havn, man kan se flere hurtigbåter til kai. I forgrunnen står en mor og en datter. Bildet er tatt om sommeren. - Deaddil ja stuora govva ihtáHámmerfeastta hápman geasi 2026. Sunniva Tønsberg Gaski/FFK

Sámegillii ođasmahttojuvvon: 16.11.2026
Samisk versjon oppdatert: 16.11.2026