Mo galgá bileahta oastit

Mii ávžžuhat du oastit bileahta ovddalgihtii Snelandia Mobillett áppas, gos gávnnat hálbbimus bileahtaid. Snelandia Mobillett lea heivehuvvon Finnmárkku álmmolaš sáhttofálaldahkii. 

Snelandia Mobillett áppas sáhtat máksit koarttain, Vipps, Strax-betaling telefonrehkega bokte, dahje deavdimis ruđa mátkekontoii, maid sáhttá juogadit máŋga geavaheaddji gaskka. Sáhtát maid fitnodatkontoin/fakturašiehtadusain máksit, jus du fitnodagas lea dakkár. 

Lea maid vejolaš oastit eanáš Snelandia-bileahtaid riikaviidosaš áppas Entur, gos sáhtát oastit bileahtaid álmmolaš sáhttofálaldahkii miehtá riika. 

Bileahta sáhtát aktiveret ja čájehit njuolga áppas ja máksoduođaštusa oažžut e-poastta bokte. 

Viečča Snelandia Mobillett áppa iPhone:ii

Viečča Snelandia Mobillett áppa Android:ii

Viečča Entur: Entur iPhone:ii dahje Entur Android:ii.

FUOMÁŠ! Ii sáhte buhtadusa oažžut váilevaš interneahta vuođul. Mátkkošeteaddjit galget dalle fievrrus oastit bileahta gustovaš eavttuide ja haddái. 

Eanaš bileahtaid sáhtát oastit min neahttagávppis billett.snelandia.no. Sáhtát maid oastit bileahtaid earáide. Ieš dat bileahtta, mii čájehuvvo vuoddjái dahje fanasvehkii, lea máksinkoarta, mii dohkkehuvvo automáhtas (guoská dušše bussii), dahje čálihuvvon PDF-bileahta, SMS-máksoduođaštus dahje e-poastta bileahtta. Máksoduođaštusa sáhttá viežžat neahttagávppis.

Sáhtát máksit koarttain (mii de doaibmá bileahttan) dahje fitnodatkontoin. 

Don sáhtát maid oastit eanaš bileahtaid Entur.no bokte. Dalle bileahtta sáddejuvvo Entur-appii (geahča dieđuid Áppaid birra badjelis).

Jus dus ii leat vejolašvuohta oastit bileahta ovddalgihtii, de sáhtát oastit eanaš bileahtaid vuoddjis dahje fanasveagas. Fuomášuhttit ahte eaŋkilbileahtta soaitá divraseabbo go bileahtta man oasttát áppas dahje neahttagávppis ovdalgihtii.

Sáhtát máksit koarttain, digitála burssain (Apple Pay ja Google Pay), ja reaidaruđain.

Bileahtta lea čadnojuvvon korttii mainna mákset, man vuoddji dahje fanasveahka de galgá sáhttit duođaštit jus lea dárbu. Don oaččut maid báhpárá, mii lea dutnje duođaštussan ja gusto bileahttan. Jus don oasttát bileahta min neahttagávppis billett.snelandia.no, de sáhtát viežžat máksoduođaštusa doppe, nu guhká go koarta lea čatnasan geavaheaddjái áppas. 

Sáhtát oastit eaŋkil bussebileahta dievashaddái (rávisolbmo-bileahta) SMS bokte: 

Oastte eaŋkilbileahta SMS bokte. Sádde kodasáni BUSSX (gos X lea galle avádaga áiggut mátkkoštit) nummirii 2470. SMS-duođaštus gusto bileahttan ja galgá čájehuvvot vuoddjái. Bileahttahaddi biddjo telefovdnarehkegii. 

Jus mátkkošteaddjis ii leat smarttelefovdna dahje koarta mainna máksit, de gávdnojit eará vuogit: 

• Sáhtát ovdalgihtii oastit bileahta min neahttagávppis ja de čálihit dahje sáddet bileahta dan olbmui gii áigu mátkkoštit. Geahča gova olgeš bealde (stuorru go deaddilat).
• Olmmoš gii mátkkošta sáhttá máksit reaidaruđain go lea busses dahje fatnasis. 
• Lea maid vejolaš oastit dievashadde rávisolbmobileahta eaŋkil bussemátkkiide SMS bokte (abonneameanta ferte dohkkehit Strex-máksima telefonrehkega bokte).

Dađi bahábut mis ii leat mátkekoarta maid sáhttá deavdit ja geavahit bileahta sadjái, muhto mii bargat áššiin. Jus oasttát bileahta neahttagávppis dahje busses/fatnasis máksinkoarttain, de koarta maid don geavahit doaibmá bileahttan. 

Lea dávjá nu ahte sáhttit buhtadit bileahtaid mat leat oston boastut, dat gusto dušše bussebileahttaide. Váldde oktavuođa bussevuoddjiin ja muital ahte leat oastán boasttu bileahta. De bivdit dus sáddet e-poastta post@snelandia.no:ii mas čilget siva manne háliidat buhtadusa, telefonnummara maid leat addán Mobillett-appas dahje e-poastačujuhusa mainna beasat neahttagávpái, ja eará oktavuohtadieđuid. Dasto mii árvvoštallat.

Jus leat oastán bileahta Entur bokte, de fertet ohcat buhtadusa Entur neahttasiidduin. Mana njuolga Entur buhtadanskovvái.

Oastte bileahta Snelandi Mobillett-áppas juste ovdal go lávket bussii dahje fatnasii, daningo bileahtta aktiverejuvvo dakkaviđe. Neahttagávppis ja Entur-appas sáhtát ovdalgihtii válljet aktiverenáiggi.

Ii. Jus oasttát bileahta ovdalgihtii, de geahpidat mátkki ja oaččut hálbbimus bileahtaid. Muhto sáhttá dattege šaddat nu ahte it beasa fivrui jus ii leat sadji. Dalle buhtaduvvo bileahtta (geahča oasáža bileahtabuhtadusa birra bajábealde).

It. Bileahtat eai gusto eará go Snelandia ruvttuin. Ii leat vejolaš molsut ovddos maŋos eará kollektiivafitnodagaide, iige fylkkarasttildeaddji ruvttuin. Dát guoská omd. min ruvttuide Stuorragieddái Romssas, mat eai atte vejolašvuođa molsut Svipper fitnodaga ruvttuide, dahje Svipper ruvttuide Romssas Áltái. Go molsu kollektiivafitnodaga, de ferte oastit ođđa bileahta.