Go fanasmátki bissehuvvo dahje maŋŋona badjel 90 minuhta
Jus fanasmátki bissehuvvo dahje maŋŋona badjel 90 minuhta, dus lea vuoigatvuohta oažžut:
a) buhtadusa mákson bileahta ovddas čieža beaivvi siskkobealde, dahje b) ođđa mátkki seamma haddái ja seamma eavttuiguin
Galggat oažžut dieđuid ođđa mátkki hárrái ovdal go 30 minuhta leat gollan. Jus dan it oaččo, de sáhtát válljet mátkkoštit eará sáhtuin ja oažžut goluid buhtaduvvot njuolggadusaid olis dás vuolábealde.
Sáhttogoluid gokčat
Mii gokčat droššegoluid dahje eará sáhttogoluid, jus eat sáhte dutnje fállat ođđa mátkeruvtto. Gokčat gitta:
- 750 kr jos maŋŋoneapmi lea badjel 30 minuhta vuollel 1 diibmosaš mátkkis
- 1 000 kr jos maŋŋoneapmi lea badjel 60 minuhta 1-3 diibmosaš mátkkis
- 1.100,- kr jos maŋŋoneapmi lea badjel 90 minuhta badjel 3 diibmosaš mátkkis
Jus vuoját iežat biila dahje fatnasa, de mii gokčat mátkki stáda vuodjinbuhtadusa máksomeari olis. Dušše okta olmmoš oažžu vuodjinbuhtadusa juohke mátkkis. Eat govčča bummaruđa, parkerengoluid ja láigobiilla.
Buhtadus go joavddat maŋŋit
Jus válljet ođđa mátkeruvtto oažžut, ja ollet maŋŋit, de sáhtát lassin gáibidit 25 proseantta bileahttahattis buhtaduvvot, go leat maŋŋonan unnimusat
- ovtta diimmu, go mátkki dábálaš guhkodat lea gitta njealje diimmu
- guokte diimmu, go mátkki dábálaš guhkodat lea badjel njealje diimmu (muhto ii eambbo go gávcci diimmu)
Buhtadat 50 proseantta bileahttahattis jus maŋŋoneapmi lea duppal dán guhku.
Jus dus lea áigodatbileahtta ja maŋŋonat eambbo go golbmii ovtta mánus, de oaččut buhtadusa rehkenastojuvvon áigodatbileahta árvvus juhkkojuvvon galle beivviide bileahtta gusto. Buhtadus vuollel 50 kr ii máksojuvvo.
Goas ii gusto mátkedáhkádus?
- Go leat 30 minuhta dahje unnit boahtte vuolgagii ruvttotabealla mielde.
- Go maŋŋoneapmi dahje bisseheapmi lea ovddalgihtii dieđihuvvon snelandia.no:s (johtalusdieđut) dahje eará heivvolaš sajis. Dát gusto omd. go mii leat dieđihan bisánanbáikki sirdima dahje stuorát lágideamit mat sáhttet váikkuhit leaktofanasjohtalussii.
- Go fanasmátki maŋŋona dahje bissehuvvo dilálašvuođaid geažil maid doaimmaheaddji ii sáhte stivret, nugo dálkki (omd. jikŋon vuotna, garra biekkat ja rávnnjit), lihkohisvuođat mat eai lean doaimmaheaddji sivva, pandemiija, riikaviidosaš bargoheaitta, almmolaš gohččumat ja gildosat, dahje eará erenoamáš dilálašvuođat maid geažil eat sáhte čađahit fievrrideami.
- Mátkedáhkádus ii govčča maŋŋoneami dahje bisseheami čuozahusaid – omd. jus it jovssa girddi, bátnedoavttirdiimmu dahje čoahkkima.
Muitte geahččat rivttes ruktotabealla! Dávjá leat sierra ruvttoáiggit juovllaide, beassážiidda ja geasseluomus. Fertet rehkenastit doarvái áiggi molsumiidda lassin vázzináigái, jus ii leat fásta heiveheapmi.
Oza buhtadusa
Deavdde skovi nu fargga go vejolaš maŋŋá dáhpáhusa, ja maŋimustá 1 mánu maŋŋá, muđui ii gusto gáibádus. Dárbbašat guitte mii čájeha hatti, momsa, drošša doaibmalobi nummira ja guitenummira. Galgá vejolaš duođaštit buot goluid.
Mii vástidat gáibádusat nu fargga go vejolaš, ja maŋimustá 1 mánu maŋŋá go leat ožžon dan.
-
Oaivvildat go ahte mearrádus lea boastut?
Jus it leat duhtavaš ohcamušat meannudemiin, de sáhtát váidit Transportklagenemda:i. Fertet sáddet váidalusa ovtta jagi siskkobealde maŋŋá go leat sádden čálalaš buhtadusgáibádusa.
Mátkedáhkádus lea vuođđuduvvon suorggi stándardii, maid Kollektivtrafikkforeningen lea ávžžuhan (2021) EU-mearrádusa 1177/2010 (Fanasmátkkošteddjiid vuoigatvuođaid mearrádus) ja mearralága vuođul.
Sámegillii ođasmahttojuvvon 09.06.2026
Samisk versjon oppdatert 09.06.2026