Geassi Snelandiain? Dán lea vuogas diehtit

📲Pláne mátkki Snelandia Mátki-áppas, ja čuovo busse johtima

Áppas sáhtát gávdnat mátkeruvttuid ja čuovvut busse sajádaga dađistaga go johtá. Erenoamážit geassit lea buorre go lea dákkár reaidu mainna sáhtát amas guovllu álkit suokkardit!

⛴️Sáhtát maid geavahit Entur

Sáhtát maid mátkki gávdnat ja bileahta oastit našunála mátkeplanareaiddus Entur. 

FUOM! Iskka geasseruvttuid. Máŋga ruvttot vudjet eará áiggiide geassit. Iskka fal álo ruvttofálaldaga ovdal go mátkkoštisgoađát – geavat mátkeplánareaiddu dahje Snelandia Mátki-áppa. Gávnnat maid geasseruvttuid min ruktotabeallas!

🫰🏻Oastte bileahta ovddalgihtii

Geavat Snelandia Mobillett-áppa oažžun dihte hálbbimus bileahtaid. Dađi eambbosat ostet bileahta ovddalgihtii, dađi jođáneappo manná lávket bussii ja olggos.

Dus ii leat jierbmetelefovdna dahje dihtorduolbbus? Ii leat heahti! Loga lasi dás mo oastit bileahta. 

✅Gustovaš bileahta

Ale verroš! Bileahtta galgá gustovaš olles mátki. Bileahttadárkun sáhttá váikko goas čađahuvvot. Dohkketmeahttun bileahtta mielddisbuktá unnimusat 750 ruvdnosaš divada – ja heahpatlaš geahčastagaid. Bileahttaverrošeapmi lea láhkarihkkun, ja fertet máksit 1500 ruvdnosaš divada, ja vel soaitit váidot politiijaide. 

⛴️ Leaktofatnasiin mátkkošteamen? Buot leaktofanasruvttot leat dál signálsáhttu

Buot leaktofanasruvttot leat dál signálsáhttu. Dat mearkkaša ahte leaktofanas dušše bisána jus mátki lea ovddalgihtii diŋgojuvvon – jus it diŋgo, de ii mana fanas gáddái. Sierra mearrádus gusto VargsundXpressen ruktui 330 Áltá - Hámmerfeasta, mas ain lea fásta vuolgga.

Áigemearri diŋgot lea unnimusat 2 diimmu ovdal rukto álggahuvvo. Jus áiggut iđđes árrat mátkkoštit, de fertet diŋgot maŋimustá dii. 21:00 eahkeda ovdal. Maiddái go mátkkoštat geassebileahtain – iešalddis bileahtta ii gal bisset fatnasa. Fertet ain ovddalgihtii diŋgot mátkki!

Loga lasi artihkkalis Buot leaktofanasruvttot leat dál signálsáhttu. 

🚲 Sihkkelat ja eará stuorra gálvvut – jos lea sadji

Sihkkeliid ja stuorát gálvvuid sáhttá váldit fárrui sierra bileahtain, nu guhká go lea sadji. Huššás geassebeivviid dávjá dievvá sadji. Jus lehpet máŋgasat mátkkošteamen sihkkeliiguin seammás – omd. gilvvuid dahje eará doaluid oktavuođas – mii sihtat ahte válddát oktavuođa kunddarbálvalusain ovddalgihtii buori áiggis, vai mii sáhttit plánet. Gávnnat bileahttahattiid dás. 

👋🏻Čájet čielga signála bussebisánanbáikkis 

Go busse lahkona de fertet čielgasit čájehit ahte áiggut fárrui, ja deaddil bisán-boalu buori áiggis ovdal go áiggut busses eret. Dalle šaddá sihke dutnje ja vuoddjái vuogas mátki. 

🔁 Áiggut go molsut busse? Ráhkkan buori áiggis

Fylkka guovddášbáikkiin deaivvadit máŋga busseruvttot, nugo Olderfjordas (Leaibevuonas). Jus áiggut eará busse mielde čohkkát, fertet iskat makkár ruvtto mielde galggat ja čuožžilit bisánanbáikái buori áiggis. Geavat áinnas mátkeplánareaiddu, vai dieđát gos ja goas galggat molsut. 

💕Vuhtiiváldde eará mátkkošteddjiid – ja iežat 

• Lávka galgá orrut láhttis, iige stuolus. Vuhtiiváldde vuorrasiid ja earáid guhte dárbbašit čohkkánsaji. 
• Cokka álo dorvoboahkána – maiddái go leat «dušše golbma bisánanbáikki» jođus.
• Galgá ráfi. Musihka, podkásta ja tv-ráidduid fertet belljosiiguin návddašit – ii goassege skájanasas. 

🩴Muitte buot iežat dávviriid go guođát busse

Beaiveglásat, belljosat, gođđosat, laderat ja čáhcebohttalat dávjá báhcet bussii. Iskka iežat čohkkánsaji bures ovdal go guođát busse. 

Leat go vajáldahttán juoga? Loga lasi láhppon gálvvuid birra min neahttasiiddus.

🌦️Mátkedáhkádus – busses ja leaktofatnasis

Jus šaddet maŋŋoneamit dahje bisseheamit mátkkis, de dus soitet rievttit mátkedáhkádusa olis. Leat sierra eavttut busses ja leaktofatnasis:

🚌Busse

 Jus busse ii boađe, ja don maŋŋonat eambbo go 20 minuhta, de dus lea vuoigatvuohta oažžut eará sáhttu. Mátkedáhkádus ii gusto: 

• Jus busse lei dievva, ja don livččet sáhttit eará busse váldit
• Jus maŋŋoneapmi lei ovddalgihtii dieđihuvvon dahje jus lea hui garra dálki/dilli. 

Gávnnat dieđuid iežat vuoigatvuođaid hárrái maŋŋonemiid oktavuođas, ja vel buhtadusskovi siiddus Busse mátkedáhkádus.

⛴️ Leaktofanas

Jus leaktofanasvuolgga bissehuvvo, dahje maŋŋona eambbo go 90 minuhta, de galggat oažžut bileahta buhtaduvvot čieža beaivvi siskkobealde, dahje ođđa mátkeruvtto seamma haddái ja seamma eavttuiguin. Jus eat sáhte fállat ođđa mátkeruvtto, de mii gokčat droššegoluid dahje eará sáhttogoluid. 

Leaktofatnasa mátkedáhkádus ii gusto earret eará:

• go lea 30 minuhta dahje unnit boahtte vuolgagii 
• go bisseheapmi dahje maŋŋoneapmi lea ovddalgihtii dieđihuvvon
• go lea erenoamáš dálki, omd. garra biekkat ja rávnnjit

Gávnnat eavttuid, hattiid ja buhtadusskovi siiddus Lea go fanasmátki bissehuvvon?

🛬Sáhttá go Snelandiain mátkkoštit girdešiljui/girdešilljus? 

Mis eai leat sierra girdibusset ja min ruvttot eai leat heivehuvvon girdivuolgagiidda dahje seaivumiidda, muhto mis leat máŋga ruvtto mat bisánit njuolga girdihámmana guora, mii dahká álkibun mátkkoštit almmolaš sáhttofálaldagain. Geahča fálu dás vuolábealde.

👨🏽‍👩🏻‍👧🏼‍👦🏼 Vuoliduvvon haddi bearrašiidda vahkkoloahpaid

Ovtta rávisolbmo bileahtain sáhttá mátkkoštit ovtta avádaga siskkobealde gitta njealji vuollel 18-jahkásaččaiguin nuvttá lávvardagaid, sotnabeivviid ja bassebeivviid. Buorre diehtit go lea bearrašiin mátkkošteamen!

🌞Sávvat buori geasi – ja mana dearvan 

Beroškeahttá gosa leat jođus, mii sávvat dutnje oadjebas, ráfálaš ja njuovžilis mátkki – ja ahte oadjebasat joavddat ustibiiguin ja fulkkiiguin návddašit čuvges geasseijaid.