Mátkedieđut

Boreal fievrridanfitnodagas leat njuolggadusat maid váhnemat fertejit diehtit ovdal mátkki. Loga eanet maid galggat bargat go vuollel 12 jahkásaš mánát mátkkoštit okto.

Bussefitnodat ii leat geatnegahtton fállát mánástuolu busses. Jos háliidat diehtit lea go busses mánáidstuollu, de fertet váldit oktavuođa bussefitnodagain e-poastta bokte: finnmark.doe@boreal.no.

Árvvoštala váldit mielde iežat mánástuolu mii mánnái lea heivehuvvon.

Busse/Flexx: Jos mátkkošteddjiin ii leat allergiijadávda dahje eará dávddat mat dahket ahte beatnaga ii sáhte váldit bussii mielde, de sáhttá beatnaga váldit mielde.Vuoddji ii leat gal geatnegahtton váldit elliid mielde earret jos dat lea oahpistanbeana dahje politiijabeana.Vuoddji sáhttá gáibidit ealli luoitit olggos jos dat givssida eará mátkkošteddjiid.

Leaktofatnasat/fearggat: Báikkálaš-/leaktofatnasis galget eallit biddjot ritta sisa mearriduvvon sadjái. Dat eai oaččo doppe gos mátkkošteaddjit leat, go ferte vuhtiiváldit eará mátkkošteddjiid (allergiija jna.). Fanasfievrrideaddji mearrida goas elliid ja man galle ealli heive váldit mielde. Sihkkarvuođa ákkaid geažil it sáhte rehkenastit ahte beasat leat elliin ovttas go mátkkoštat fatnasiin.

Jos háliidat fievrridit páhkaid dahje eará gálvvuid ruvttobusse dahje fatnasa mielde, de fertet váldit oktavuođa busse- dahje fanasfitnodagain geat vástidit sáhtuid. Diet bálvalus ii gula Snelandia/fylkkasuohkana ovddasvástádussii.  Boreal Buss ja Boreal Båt oktavuođadieđuid gávnnat dáppe.

Jos busse maŋŋona eanet go 20 minuhta, de lea dus vuoigatvuohta ee. oažžut buhtaduvvot eará sáhttu, jos  maŋŋoneapmi ii leat ovddalgihtii almmuhuvvon dahje fitnodat ii leat sivalaš maŋŋoneapmái (omd. dálke- ja vuodjindilálašvuođat).   

Loga eanet mátkedáhkádusa eavttuid ja geavaheami birra.

Min fievrrededdjiin leat ođđaáigásaš, oadjebas ja vuogas busset. Min bussiin ja fatnasiin leat dábálaččat:

• Stuolut maid sáhttá heivejit ja dorvoboagán
• Rabas áibmofierbmi (Wi-Fi) bussiin (dábálaččat ii Flexx-sáhtuin)
• Hivsset stuora bussiin ja fatnasiinr
• Fearggain ja leaktofatnasiin fidne oastit dábálaš borramuša (dábálaččat káfe jna.)
• Galmmihanskáhppa ja káffeautomáhta stuora bussiin mat vudjet guhkes gaskkaid

Busseruvttot eai leat heivehuvvon girdiruvttuide, earret GB (girdibusse) merkejuvvon ruvttot. Dat gusto muhtun bussiide mat vudjet Álttá girdišilljui.

Snelandia vástida fievrridanbálvalusa muhtun girdišiljuide, dábáleamos daid áiggiid goas girdit bohtet ja vulget. Girdit eai leat geatnegahttojuvvon vuordit mátkkošteddjiid jos Snelandia fievru maŋŋona, ja mii eatge sáhte vuordit girdi mii lea maŋŋonan. Mii fertet vuhtiiváldit vuoddji bargoáiggi ja eará mátkkošteddjiid dárbbuid. Seamma gusto maid Romssa fylkkajohtolaga sáhttofálaldagaide.

Snelandia mielas lea dehálaš ahte sáhttofálaldat lea buohkaide heivehuvvon, mii mearkkaša ahte buohkain galgá seamma vejolašvuohta mátkkoštit, beroškeahttá doaibmavádjitvuođas dahje eará lihkadanváttuin. Almmatge lea  muhtumin dárbu heivehuvvon fievrredeapmái, ja dalle livčče buorre jos dan almmuha ovddalgihtii. Buotlágan hástalusaid lea dábálaččat vejolaš čoavdit.

Bussevuoddji veahkeha buohkaid bisánansajis, leaččat dal čalmmeheapme/heajos oaidnu, čohkkát juvlastuolus dahje eará sivaid geažil dárbbašat veahki.

Jos fearggain áiggut johtit, de lea dehálaš ovddalgihtii dieđihit feargabargiide jos dus leat erenoamáš dárbbut. Muhtun fearggain lea sierra biilaguođđinsadji lahka heaissa, ja jos dan fertet geavahit, de atte dieđu  ovddalgihtii, ovdamearkka sáhtát čuojahit njuolgga fergii.

Buot min leaktofatnasat leat buohkaide heivehuvvon, ja seamma go fearggaide de livčče  buorre jos ovddalgihtii attát dieđu jos dus leat erenoamáš dárbbut.