Snelandia lea mearkagálvu, maid Romssa ja Finnmárkku fylkkasuohkan oamasta, ja dat geavahuvvo márkanfievrridit ja čalmmustahttit Finnmárkku almmolaš sáhttofálaldagaid. Fylkkasuohkan mearrida vuolgináiggiid, sáhttofálaldagaid, ja dat vállje maid fievrridanfitnodagaid almmolaš fálaldatgilvvuid bokte. Fylkkasuohkan mearrida maid sáhttofálaldagaid hattiid.
Fievrredanfitnodat mii vuoitá fálaldatgilvvu galgá čađahit fievrridanbálvalusaid. Dasa gullá oastit ja doallat ortnegis fievrruid dahje fatnasiid, čađahit fievrredanplána, mátkkošteddjiiguin gulahallat, ja bileahttavuovdima ja láhppon gálvvuid hálddašit jna.
Snelandia gálvomearkka namas fuolahuvvojit sáhttofálaldagat fearggaid, leaktofatnasiid, bussiid ja diŋgonfievrruid mielde, ja jahkásaččat dat fievrridit sullii 1,7 miljovnna olbmo Finnmárkkus. Snelandia ovddasvástida sáhttobálvalusaid Álttás, Hámmarfeasttas ja Girkonjárggas, skuvlasáhttu miehtá Finnmárkku, stuora bussiid mat johtet guhkesgaskkaid ja fanassáhtuid geainnohis gilážiidda.
