Fertet ieš fuolahit ahte bileahtta gusto olles mátkki. Jos dus lea vuoládusbileahtta, de fertet čájehit legitimašuvnna.
Skuvlakoarta lea dohkálaš bileahtta skuvlaohppiide geain lea nuvttá skuvlasáhttu.
Jos dus lea agi dahje doaibmavádjitvuođa geažil vuoigatvuohta vuoládusbilehttii dahje vuoigatvuohta oastit honnørbileahta, de leat geatnegahttojuvvon čájehit dohkálaš legitimašuvnna.
Jos bargonávccahis olmmoš dárbbaša mieđušteaddji go ii sáhte okto mátkkoštit, de beassá mieđušteaddji nuvttá mátkkoštit Snelandia fievrruiguin.
Divat
Jos bileahttadárkkisteamis it sáhte čájehit dohkálaš bileahta dahje dohkálaš Snelandia-koartta dahje Snelandia Mobillett, de gáibiduvvo duppal bileahttahaddi mátkki ovddas, unnimusat 750 kruvnnu.
Dohkketmeahttun bileahtat duoguštuvvojit. Fertet máksit 1500 kruvnnu jos verrošat bileahtain/koarttain. Bileahttaverrošeapmi lea láhkarihkkun, ja sáhttá ráŋggáštuvvot Ráŋggáštuslága § 403 vuođul.
Dohkálaš legitimašuvdna
Buohkat leat geatnegahtton čájehit legitimašuvnna jos gáibidit vuoládusa agi, bálvalusgeatnegasvuođa, bargonávccahisvuođa, doaibmavádjitvuođa geažil, ja jos fertejit váldit mielde mieđušteaddji. Dohkálaš legitimašuvdnan dohkkehuvvo:
- Vuodjinkoarta
- Pássa
- Báŋkokoarta govain dahje Poastta Id-koarta
- Soalddáhat galget čájehit dohkálaš militearabálvalusduođaštusa/Militeara ID-koartta
- Vuollel 67 jahkásaččat geat ožžot bargonávccahisvuođaoaju, galget čájehit legitimašuvnna maid NAV/oadjokantuvra lea dohkkehan.
- Čalmmeheamit galget čájehit legitimašuvnna maid Norgga Čalmmehemiidlihttu lea dohkkehan.
- Mieđušteaddji galgá čájehit mieđušteaddjiduođaštusa (maid dábálaččat oažžu gielddas)
Fertet oastit ollesbileahta jos dus ii leat dohkálaš legitimašuvdna deavdit vuoládusbileahttaeavttuid. Haddeerohus ii máksojuvvo ruovttoluotta maŋŋil.