Dán siiddus gávnnat čuovvovaš dieđuid:
Skuvladuođaštusa válljen
Buot oahppit geaidda eaŋkilmearrádusa bokte lea mieđihuvvon nuvttá skuvlasáhtu ožžot sáhttoduođaštusa. Sáhttoduođaštusa lea vejolaš geavahit dábálaš bileahttan almmolaš fievrruin danne go das lea seamma stáhtus go dábálaš bileahtas.
Skuvlaálgima rájes gitta čakčamánu 20.beaivvi rádjai besset buot oahppit johtit nuvttá skuvlasáhtuin vaikko eai leat ge ožžon sáhttoduođaštusa. Čakčamánu 20.beaivvi rájes fertejit buot oahppit čájehit sáhttoduođaštusa vai ožžot nuvttá skuvlasáhtu. Skuvlasáhttogolut eai buhtaduvvo maŋŋil čakčamánu 20.beaivvi, váilevaš sáhttoduođaštusa geažil.
Oahppit sáhttet ohcanskovis válljet goappá sáhttoduođaštusa sii háliidit:
- Elektronalaš bileahta mátketelefovdnii. Oahppi oažžu bileahta Snelandia Mobillett áppii buot skuvlabeivviid. Bileahtain beassá mátkkoštit skuvlii ja skuvllas ruoktot gaskal dii. 06:.00 ja 18.00. Telefovnnas ferte leat interneahtta vai mobileahtta doaibmá sáhttoduođaštussan, (1 mb mánus).
- Sáhttokoarta. Oahppi oažžu sáhttokoartta mii galgá geavahuvvot bileahttan skuvlii ja skuvllas ruoktot. Oahppi oažžu dan skuvllas. Koarta dohkke bileahttaduođaštussan dušše oahppi ruovttu ja skuvlla gaskka.
Skuvlla molsun
Jos oahppi molsu skuvlla ja deavdá nuvttá skuvlasáhttoeavttuid, de galgá ohcanskovvi sáddejuvvot ođđa skuvlii. Go ohcan lea registrerejuvvon ja meannuduvvon, de sáddejuvvo eaŋkilmearrádus ja sáhttoduođaštus oahppái. Sáhttokoarta galgá addojuvvot ruovttoluotta skuvlii jos skuvlamolsun mielddisbuktá ahte oahppis ii leat šat vuoigatvuohta nuvttá skuvlasáhttui.
Mo geavahit Mobillett sáhttoduođaštussan?
Mobillett geavaheapmi eaktuda, ahte oahppis lea iPhone dahje Android smartatelefovdna, ja ahte telefovnnas lea interneahtta. Oahppi galgá fuolahit ahte telefovnnas lea interneahtta dahje Wifi. Wifi galgá doaibmat buot Snelandia ruvttobussiin ja fatnasiin. Ádjána sullii 3-5 beaivvi ovdal go sáhttoduođaštusa sáhttá viežžat mátketelefovnnas, maŋŋil go sáhttoduođaštus lea juolluduvvon. Dás vuollelis oainnát čilgehusa mo sáhttoduođaštusa sajáiduhttát ja geavahat.
Viečča áppa ja sajáiduhte
Oza neahtas "Snelandia Mobillett" ja viečča áppa App Store (iPhone) dahje Google Play (Android) fálus.
Čuovu rávvagiid registreret iežat geavaheaddjin.
Oza iežat sáhttoduođaštusa/bileahta
Du sáhttoduođaštus boahtá automáhtalaččat telefovdnii go iežat leat registreren geavaheaddjin ja go skuvlasáhttu lea juolluduvvons.
Go rabat áppa, de ihtá govva mas oainnát fállolistu bajimusas gurutravddas. Deaddil dan ja vállje molssaeavttu "Mine billetter". Jos sáhttoduođaštus doaibmá, de oaččut bileahta juohke iđit olles skuvlajagi.
Bileahtain beasat mátkkoštit skuvlii ja skuvllas ruoktot gaskal dii. 06:00 – 18:00.
Busses dahje fatnasis
Go manat skuvlabussii dahje fatnasii, de galggat:
1. Čájehit mobileahta go boađát bussii/fatnasii.
2. Čájehit bileahta bussevuoddjái/fanasbargái dahje logahit koartta bileahttamašiinnas.
3. Buorre mátkki!
Boarásmuvvan bileahtta
Bileahtta ii gusto šat maŋŋil dii. 18:00. Dalle čuožžu bileahtas «UTLØPT», ja dan ii sáhte šat geavahit. Ođđa bileahtta boahtá telefovdnii maŋit skuvlabeaivvi iđit.
Jos molssut mátketelefovnna
Fuomáš fal ahte jos mátketelefovnna molssut, dahje SIM-koartta sirddát nuppi mátketelefovdnii, de fertet ođđasit logget sisa áppai. Jos dan it daga, de it oaččo ođđa bileahta maŋit beaivvi. Muđui čujuhat áppa-njuolggadusaide, ja dat lea geavaheaddji ovddasvástádus fuolahit ahte bileahtta doaibmá go boahtá bussii.
Skuvladuođaštusa rievdadeapmi
Lea vejolaš rievdadit sáhttokoarttas mobilehttii dahje nuppe láhkai.
Jos háliidat rievdadit mobileahtas kortii, de dárbbaša koartabuvttadeaddji sullii 1-2 vahkku dan ráhkadit, ja koarta sáddejuvvo skuvlii.
Jos háliidat rievdadit sáhttokoarttas mobilehttii, de ádjána sullii 3-5 beaivvi ovdal go dan sáhttá sajáiduhttit Snelandia Mobillett áppii "Mine billetter".
Váldde oktavuođa skuvllain jos háliidat dan dahkat.
Massojuvvon dahje billistuvvon sáhttoduođaštus
Jos leat láhppán dahje bilidahttán iežat sáhttokoartta, de fertet skuvllain váldit oktavuođa diŋgot ođđa sáhttokoartta.