Čuovvovaš oahppit fertejit ohcat nuvttá skuvlasáhtu juohke skuvlajahkái:
- Oahppit guđiin lea juogaduvvon ássanbáiki
- Oahppit guđet atnet drošše dahje iežas fievrru skuvlii dahje ruovttoluotta
- Oahppit guđet leat ožžon mearrádusa nuvttá skuvlasáhttui doaibmahehttehusaid geažil
- Oahppit guđet molsot skuvlla
Čuovvovaš oahppit eai dárbbaš ohcat nuvttá skuvlasáhtu juohke skuvlajahkái:
- Oahppit guđet duššefal atnet kollektiivafievrrideami (busse), ja guđiin ii leat juogaduvvon ássanbáiki. Daid ohppiid ohcamuš fievrriduvvo viidáset boahtte skuvlaceahkkái.
Čuovvovaš digitála skovi ferte deavdit go áigu ohcat skuvlasáhtu:
Mana ohcanskovvái
Oahppit guđet ohcet skuvlasáhtu doaibmahehttehusaid geažil fertejit sáddet dearvvašvuođaduođaštusa oktan ohcamušain. Duođaštus ii sáhte boarráset go 3 mánu.
Dearvvašvuođaduođaštus (PDF, 197 kB)
Maŋŋil go skuvla lea ohcama registreren, de meannuduvvo ohcan automáhtalaččat dahje dat ovddiduvvo fylkkagieldda dahje gieldda meannudeapmái. Go ášši lea gárvásit meannuduvvon, de oažžu ovddasteaddji eaŋkilmearrádusa mas duođaštuvvo lea go oahppi ožžon nuvttá skuvlasáhtu vai ii.
Borgemánu 17. b 2026 rájes lea skuvlasáhtu ohcamušaid meannudanáigi sullii golbma vahku.
Jus oahppi molsu ássanbáikki ja deavdá nuvttá skuvlasáhttoeavttuid ođđa čujuhusas, de galgá deavdit ođđa digitála ohcanskovi. Jus oahppi skuvlasáhttovuoigatvuohta loahpahuvvo fárrema geažil, de galgá dat dieđihuvvot skuvlii gos sus lei sáhttovuoigatvuohta.
Ovddasvástádus
Lea ovddasteddjiid/váhnemiid ovddasvástádus fuolahit ahte skuvlasáhtu ohcandieđut leat riekta. Sii leat maid geatnegahtton addit dieđu skuvlii jos dilálašvuođa rievdadeapmi váikkuha ohcandieđuide. Boasttudieđut mielddisbuktet ahte oahppi dahje ovddasteaddjit/váhnemat šaddet ekonomalaččat vástidit goluid dan oktavuođas.
Sámegillii ođasmahttojuvvon 15.06.2026
Samisk versjon oppdatert 15.06.2026