Go oahppis lea nuvttá skuvlasáhttovuoigatvuohta, de fertejit ovddasteaddjit deavdit ohcanskovi mii sáddejuvvo skuvlii. Dat gusto buot mánáid- ja nuoraidskuvlaohppiide Finnmárkkus, leš dal busse, fanas, iežas fievru dahje drošše mii geavahuvvo skuvlasáhttun.
Deavdde čuovvovaš skovi ja sádde skuvlii jos háliidat ohcat skuvlasáhtu:
Vállje ohcanskovi
Maŋŋil go skuvla lea ohcama registreren, de meannuduvvo ohcan automáhtalaččat dahje dat ovddiduvvo fylkkasuohkana dahje gieldda meannudeapmái. Meannudanáigi lea sullii 14 beaivvi. Go ášši lea gárvásit meannuduvvon, de oažžu ovddasteaddji eaŋkilmearrádusa mas duođaštuvvo lea go oahppi ožžon nuvttá skuvlasáhtu vai ii.
Sii, geat eai dárbbaš ohcat nuvttá skuvlasáhtu juohke skuvlajagi:
- Oahppit, geat ovddit skuvlajagi leat ožžon mearrádusa ahte sis lea vuoigatvuohta nuvttá skuvlabussesáhttui.
- Oahppit, geat ovddit skuvlajagi leat ožžon mearrádusa ahte sis lea vuoigatvuohta nuvttá fanassáhttui.
Oahppit, geat fertejit ohcat skuvlasáhtu juohke skuvlajagi:
- Oahppit, geat ovddit skuvlajagi leat ožžon mearrádusa ahte sis lea vuoigatvuohta nuvttá droššesáhttui.
- Oahppit, geat ovddit skuvlajagi leat ožžon mearrádusa ahte sii sáhttet geavahit iežaset fievrru skuvlasáhttun.
- Oahppit, geat ovddit skuvlajagi leat ožžon gielddalaš mearrádusa ahte sis lea nuvttá bussesáhttovuoigatvuohta. Dat guoská erenoamážit ohppiide geain lea oanehis ja erenoamáš váralaš ja váttis skuvlageaidnu.
- Oahppit, geat leat fárren dahje skuvlla molsun ovddit skuvlajagi rájes..
Fárren
Jos oahppi fárre eará báikái ja deavdá nuvttá skuvlasáhttoeavttuid, de galgá son deavdit ođđa ohcanskovi ja fuolahit dan skuvlii. Jos oahppi sáhttovuoigatvuohta loahpahuvvo fárrema geažil, de galgá dat dieđihuvvot skuvlii gos sus lei sáhttovuoigatvuohta.
Ovddasvástádus
Lea ovddasteddjiid/váhnemiid ovddasvástádus fuolahit ahte skuvlasáhtu ohcandieđut leat riekta. Sii leat maid geatnegahtton addit dieđu skuvlii jos dilálašvuođa rievdadeapmi váikkuha ohcandieđuide. Boasttudieđut sáhttet mielddisbuktit ahte oahppi dahje ovddasteaddjit/váhnemat šaddet ekonomalaččat vástidit sáhttogoluid.