Skuvllaide ja gielddaide

Lea dehálaš organiseret Finnmárkku skuvlasáhttovuogádaga nu ahte dat boahtá buorrin nu ollu ohppiide go vejolaš, muhto dat eaktuda ahte buot skuvllat ja gielddat geavahišgohtet Finnmárkku skuvlasáhttovuogádaga.

Finnmárku fylkkagielda ávžžuha buot gielddabargiid guhte barget vuođđoskuvllaohppiiguin dahje skuvlasáhttuin giddet fuomášumi dieđuide dán siiddus, ja dieđuide maid vuođđoskuvllaoahppit ja sin váhnemat ožžot.

Neahttabáikkis dávjá čujuhuvvo Oahpahuslága 4. kapihttalii ja Oahpahusláhkii § 28-7. Fylkkagielda ávžžuha buot skuvllaid ja gielddaid giddet fuomášumi láhkanjuolggadusaide, ja skuvlasáhtu guoskevaš dieđuide snelandia.no neahttabáikkis.

Dán siiddus sáhtát lohkat dáid áššiid:

Manne galget skuvllat ja gielddat searvadahttot?

Leat ollu ákkat manne gielddat ja skuvllat berrešedje eambbo beroštišgoahtit skuvlasáhttoáššiin ja eanet searvat skuvlasáhttoproseassaide. Dás vuollelis namuhuvvojit deháleamos ákkat.

Diehtojuohkin

Vuođđoskuvlla oahppit ja ohppiid ovddasteaddjit/váhnemat galget áinnas váldit oktavuođa skuvllain jos dárbbašit eanet dieđuid. Skuvlii ja gildii lea álkit addit rivttes dieđuid ohppiide ja ovddasteddjiide/váhnemiidda jos dovdet oahppi skuvlasáhttovuoigatvuođaid ja skuvlasáhttoortnega Finnmárkkus. Máhtolašvuohta vuogádaga geavaheamis lea stuora ávkin go ohppiid galgá FSkyss vuogádahkii registreret – erenoamážit sidjiide geat beaivválaččat barget dánlágan áššiiguin.

Ruhtadeapmi

Dálá láhkamearrádusaid mielde leat gielddat geatnegahttojuvvon máksit skuvlasáhttogoluid buot ohppiid ovddas geain lea nuvttá skuvlasáhttovuoigatvuohta. Dat sáhttá leat gielddalaš mearrádus mas gielda ieš máksá sáhtu dahje fylkkagielddalaš mearrádus mas gielda máksá iežasoasi.

Gielddain berre leat beroštupmi beassat váikkuhit áššiide mat lasihit gieldda goluid. Gielddat oččoše dalle diehtit man ollu skuvlasáhttu duođaid máksá, man ovddas máksu gáibiduvvo ja mo goluid sáhtašii buorebut stivret. Ruhtadanáššiid dáfus dat attášii maid vejolašvuođa eastadit guovtteoaivilvuođa ja riidduid gieldda ja fylkkagieldda gaskka, mat váldet áiggi ja ruđaid.

Dálá vuogádat, maid gielda geavaha registreret vuođđoskuvlaohppiid geain lea skuvlasáhttovuoigatvuohta, mielddisbuktá ahte gielda oažžu vuđolaš dieđuid ja vejolašvuođa searvat prosessaide mat váikkuhit gieldda ruhtadillái.

Mieđušteaddji

Ohppiin geain lea vuoigatvuohta nuvttá skuvlasáhttui lea maid vuoigatvuohta dárbbašlaš mieđušteaddjái. Mieđušteaddji lea dárbbašlaš jos oahppi ii sáhte okto johtit skuvlii ja ruoktot. Gielddas lea ovddasvástádus bearráigeahččat ahte vuođđoskuvlaohppiid vuoigatvuohta nuvttá skuvlasáhttui ollašuhtto, juogo gielddalaš dahje fylkkagielddalaš skuvlasáhttomearrádusa bokte. Go gielddat registrerejit vuođđoskuvlaohppiid skuvlasáhttodárbbuid, de ožžot dat vuđolaš dieđuid ohppiid birra geat dárbbašit mieđušteaddji.

Bearráigeahčču

Muhtumin sáhttá šaddat guhkes vuordináigi oahpahusa ovdal ja maŋŋil. Dát dáhpáhuvvá erenoamážit go lea stuorra erohus skuvlla iešguđet luohkáid oahpahsáiggis. Vuordináiggis lea ohppiin vuoigatvuohta dárbbašlaš bearráigehččui. Gielddas ja skuvllas lea ovddasvástádus fuolahit vuođđoskuvlaohppiide dohkálaš bearráigeahču. Go gielda registrere vuođđoskuvlaohppiid skuvlasáhttodárbbuid, de oažžu dat vuđolaš dieđuid ohppiid birra geat dárbbašit bearráigeahču.

FSkyss: skuvlasáhttoportála

FSkyss gohčoduvvo portála gosa Finnmárkku oahppit geain lea nuvttá sáhttovuoigatvuohta galget registrerejuvvot. FSkyss geavahuvvo meannudit skuvlasáhttoohcamušaid, diŋgot sáhttoduođaštusaid ohppiide ja rehkenastit gielddaid iežasoasi. Portálas gávdnojit ollu dieđut ovttaskas oahppi sáhttodárbbus.

Skuvllat registrerejit vuođđoskuvlaohppiid sáhttodárbbu FSkyss:ii. Fylkkagieldda ovddasvástádus lea jeavddálaččat ođasmahttit ja doaimmahit portála.

Skuvllat mat dárbbašit eanet oahppat FSkyss vuogádaga birra galget váldit oktavuođa fylkkagielddain šiehtadit áiggi.

Skuvlasáhtu organiseren

Oahpahuslága mielde lea fylkkagielddas ja gielddas oktasaš ovddasvástádus skuvlasáhttui. Dás vuollelis čilgejuvvo oanehaččat movt skuvlasáhtu ovddasvástádus lea juogaduvvon.

FSkyss:ii galget buot oahppit registrerejuvvot gielddalaš mearrádusa vuođul jos ovddasvástádus gullá gildii, ja fylkkagielddalaš mearrádusa vuođul jos ovddasvástádus gullá fylkkagildii. Skuvlasáhtu organiseren - omd. diŋgot drošše - sáhttet dušše sii dahkat geain lea mearridanváldi. Danne eai galgga skuvllat ja gielddat organiseret skuvlasáhtu ohppiide geat leat fylkkagielddalaš mearrádusa ožžon, ja fylkkagielda ii galgga skuvlasáhtu organiseret ohppiide geat leat gielddalaš mearrádusa ožžon.

Gieldda ovddasvástádus

Skuvlasáhtu organiseren vuođđoskuvlaohppiide geain lea erenoamáš váralaš ja váttis skuvlageaidnu, ja eai deavdde skuvlageainnu guhkkodatgáibádusa oažžut nuvttá skuvlasáhtu. Gielda sáhttá ávžžuhit dáid ohppiid geavahit fylkkagieldda almmolaš sáhttofálaldagaid jos dat gávdnojit.
Ollašuhttit vuođđoskuvlaohppiid vuoigatvuođa mieđušteaddjái ja goziheapmái.
Gieldda ovddasvástádus bajábealde namuhuvvon kuvlačuoggáin gusto maid priváhta vuođđoskuvlaohppiide ja friddjaskuvlaohppiide.
Skuvlasáhtu organiseren vuođđoskuvlaohppiide geat ohcama vuođul eai vácce iežaset lagasskuvllas. Gielda sáhttá ávžžuhit dáid ohppiid geavahit fylkkagieldda almmolaš sáhttofálaldagaid jos dat leat doaimmas.

Fylkkagieldda ovddasvástádus

Skuvlasáhtu organiseren ohppiide geain lea guhkes skuvlageaidnu. Mihtit gaskka dás
Skuvlasáhtu organiseren ohppiide geat dárbbašit fanassáhtu skuvlii ja ruoktot.
Skuvlasáhtu organiseren ohppiide gean leat bistevaš dahje gaskaboddosaš doaibmahehttehusat. Doavttirduođaštus galgá biddjot mielddusin go skuvllat registrerejit ohcamuša FSkyss:ii.
Fylkkagieldda ovddasvástádus bajábealde namuhuvvon kuvlačuoggáin gusto maid priváhta vuođđoskuvlaohppiide ja friddjaskuvlaohppiide.
Skuvlasáhtu organiseren buot joatkkaskuvlaohppiide geain lea nuvttá skuvlasáhttovuoigatvuohta.

Skuvlaruvtto

Joatkkaskuvllaid skuvlaruvtto lea vuođđun skuvlasáhtu plánemis. Geahča Finnmárkku joatkkaskuvllaid politihkalaččat dohkkehuvvon skuvlaruvtto fylkkagieldda neahttasiidduin.

Gielddat mat mearridit skuvlaruvtto mii spiehkasta das, fertejit ieža váldit oktavuođa fievrridanfitnodagain vai sáhttet diŋgot skuvlasáhtu daid beivviide, ja máksit goluid.

Spiehkastagat mearkkašit earret eará ahte gielda loahpaha skuvlajagi maŋŋel go joatkkaskuvla, lágidit čakča-, juovla-, dálve- ja beassášluomu eará beivviid, plánenbeivviid jna.

Lea maid guhká leamaš vierru lágidit árabut skuvlabusse muhtin beivviid skuvlajagis ja erenoamážit ovdal skuvlaluomuid, mii rehkenasto liige sáhttun ja lea gieldda ovddasvástádus. Go iešguđet joavkkut geavahit fylkka busseruvttuid, de fertejit maid dábálašruvtto vuodjit, mii mielddisbuktá liigegoluid fylkkagildii. Gielddat fertejit ieža organiseret ja gokčat goluid dakkár "bealle skuvlabeivviide" skuvlajagi mielde.

Skuvlasáhtu ruhtadeapmi

Sihke gielddas ja fylkkagielddas lea ruhtadanovddasvástádus skuvlasáhttoortnegii.

Gielddaid iežasoassi

Gielda galgá máksit iežasoasi ohppiid ovddas geaidda nuvttá skuvlasáhttu lea juolluduvvon fylkkagielddalaš mearrádusa vuođul. Dasa lassin galget gielddat máksit iežasoasi ohppiid ovddas guhte leat gielddalaš mearrádusa ožžon, jus sii geavahit fylkkagielddalaš sáhtu skuvlii ja/dahje ruoktut.

Finnmárkku skuvlasáhtu bileahtahattit

Joatkkaskuvlaohppiid bileahtahaddi rehkenastojuvvo rávisolbmuid eaŋkilbileahta olis. Vuođđoskuvlaohppiid bileahttahaddi rehkenastojuvvo sierra mearrádusa vuođul, mii čuovvu “boares” avádatbileahttaid, gos vuođđohaddi gusto gitta 9 km mátkái, ja dasto lea liigemáksu juohke 3. klomehtera.

Jahkái 2025 gustojit čuovvovaš hattit:

Billettsats for skoleskyss i Finnmark
Gaska ruovttus skuvlii	Haddi mánáide	Haddi rávisolbmuide
0 - 9 km	40,97	81,94
9,1 - 12 km	42,29	83,26
12,1 - 15 km	46,25	92,51
15,1 - 18 km	50,22	100,44
18,1 - 21 km	54,18	108,37
21,1 - 24 km	58,15	116,30
24,1 - 27 km	63,43	126,87
27,1 - 30 km	66,08	133,48
30,1 - 33 km	71,36	142,73
33,1 - 36 km	75,33	150,66
36,1 - 39 km	79,29	159,91
39,1 - 42 km	84,58	169,16
42,1 - 45 km	88,54	177,09
45,1 - 48 km	92,51	185,02
48,1 - 51 km	97,80	195,59
51,1 - 54 km	100,44	202,20

Iežasoassi galgá máksojuvvot čuovvovaš ohppiid ovddas:

Vuođđoskuvla-, priváhtaskuvla- ja friddjaskuvlaoahppit geaidda fylkkagielddalaš mearrádusa vuođul lea juolluduvvon nuvttá skuvlasáhttu almmolaš sáhtuin, droššiin dahje iežas fievrruin.
Vuođđoskuvla-, priváhtaskuvla- ja friddjaskuvlaoahppit geaidda gielddalaš mearrádusa vuođul lea juolluduvvon nuvttá skuvlasáhttu Snelandia fievrruiguin.

Iežasoassi ii galgga máksojuvvot čuovvovaš ohppiid ovddas:

Vuođđoskuvla-, priváhtaskuvla- ja friddjaskuvlaoahppit geat gielddalaš mearrádusa vuođul besset geavahit drošše dahje iežas fievrru.

Ekonomalaš ovddasvástádus go oahppi vázzá iežas lagasskuvllas

Oahppis lea gielddalaš mearrádus:

Gielda máksá iežasoasi ohppiid ovddas geat geavahit fylkkagieldda almmolaš sáhttofálaldagaid.
Gielda ferte ieš lágidit ja ruhtadit skuvlasáhtu ohppiid várás guhte eai sáhte geavahit fylkkagieldda almmolaš sáhttofálaldagaid. Gielda ii galgga dalle máksit iežasoasi.

Oahppis lea fylkkagielddalaš mearrádus:

Fylkkagielda lágida ja ruhtada skuvlasáhtu juogo bussiin, fatnasiin, droššiin dahje oahppi iežas fievrruin.
Gielda máksá iežasoasi buot vuođđoskuvlaohppiid ovddas geain lea fylkkagielddalaš mearrádus.

Ekonomalaš ovddasvástádus go oahppi ii vácce iežas lagasskuvllas

Oahppis lea gielddalaš mearrádus (gusto dábálaččat go oahppi ii vácce lagasskuvllas):

Gielda máksá iežasoasi ohppiid ovddas guhte geavahit fylkkagieldda almmolaš sáhttofálaldagaid.
Gielda ferte máksit buot liigegoluid jos oahppi ii vácce iežas lagasskuvllas ja dan geažil ii sáhte geavahit fylkkagieldda almmolaš sáhttofálaldagaid. Gielddas lea geatnegasvuohta lágidit ja ruhtadit sáhttofálaldaga, nu guhká go oahppis livčče leat fylkkagielddalaš skuvlasáhttofálaldat jus livčče lagasskuvlla vázzit. Gielda ii dalle dárbbaš máksit iežasoasi.