Joatkkaskuvla
Ollesolbmuin, geat leat deavdán 25 jagi ja čuvvot ollesolbmuidoahpahusa ii leat vuoigatvuohta nuvttá skuvlasáhttui. Ollesolbmuin, geat leat vuollel 25 jagi lea vuoigatvuohta nuvttá skuvlasáhttui seamma eavttuid vuođul mat gusket joatkkaskuvlla ohppiide.
Deaddil liŋkka dás vuollelis jos leat joatkkaskuvlla oahppi ja vuollel 25 jagi.
Joatkkaskuvlla oahppit
Vuođđoskuvla
Ollesolbmot vuođđoskuvlaoahpahusas fertejit deavdit čuovvovaš eavttuid oažžut nuvttá skuvlasáhtu:
Oahppit geain lea guhkes skuvlageaidnu
Ollesolbmuin vuođđoskuvlaoahpahusas geain lea eanet go 4 kilomehter vázzingaska skuvlii lea vuoigatvuohta nuvttá skuvlasáhttui. Gaska mihtiduvvo uvssas uksii oaneheamos váccihahtti muohtačorgejuvvon geainnu mielde. Oahppi bistevaš ássanbáiki lea oahppi ruoktu.
Jos ruovttus skuvlii lea beare guhkes gaska nu ahte beaivválaš skuvlasáhttu ii leat dohkálaš lágidit, de galgá gielda gávdnat orrunsaji ohppiide. Dohkálaš mátkkoštanáigi, sihkkarvuohta ja vejolaš doaibmahehttehusat galget árvvoštallamis deattuhuvvot.
Jos orrunsadji lea lágiduvvon gieldda bealis, de lea dat oahppi ássanbáiki. Mátkegolut eai máksojuvvo eará báikkiide go oahppi ássanbáikái.
Mihtit gaskka ieš
Oahppit, geain leat bistevaš doaibmahehttehusat
Doaibmavádjit ohppiin lea vuoigatvuohta nuvttá skuvlasáhttui beroškeahttá gaskaráddjehusain. Doavtterduođaštus galgá čuovvut ohcama mii sáddejuvvo skuvlii.
Oahppit, gean leat gaskaboddosaš lihkadanváttut dahje doaibmahehttehusat.
Ohppiin geain leat gaskaboddosaš doaibmahehttehusat dahje eará váttut, lea vuoigatvuohta oažžut nuvttá skuvlasáhtu nu guhká go váttut bistet. Oahppi galgá dalle váldit oktavuođa skuvllain, mii diŋgo skuvlasáhtu fievrridanfitnodagas dahje fylkkasuohkanis. Skuvlasáhttu galgá fállojuvvot vuosttaš beaivvi rájes gitta šiehtaduvvon áiggi lohppii.
Medisiinnalaš duođaštus ja ohcanskovvi galgá doaimmahuvvot skuvlii ovdal dahje dakka maŋŋil go sáhttu lea šiehtaduvvon. Jos dat ii dahkko, de sáhttá fylkkasuohkan dahje skuvla gáibidit oahppi máksit fievrredangoluid.