Dán siiddus gávnnat čuovvovaš dieđuid:
Buot oahppit geaidda eaŋkilmearrádusa bokte lea mieđihuvvon nuvttá skuvlasáhtu ožžot sáhttoduođaštusa. Sáhttoduođaštusa lea vejolaš geavahit dábálaš bileahttan almmolaš fievrruin danne go das lea seamma stáhtus go dábálaš bileahtas.
Oahppit sáhttet ohcanskovis válljet goappá sáhttoduođaštusa sii háliidit:
- Elektronalaš bileahta mátketelefovdnii. Oahppi oažžu bileahta Snelandia Mobillett áppii buot skuvlabeivviid. Bileahtain beassá mátkkoštit skuvlii ja skuvllas ruoktot gaskal dii. 06:.00 ja 18.00. Telefovnnas ferte leat interneahtta vai mobileahtta doaibmá sáhttoduođaštussan, (sullii 1 mb mánus).
- Sáhttokoarta. Oahppi oažžu sáhttokoartta mii galgá geavahuvvot bileahttan skuvlii ja skuvllas ruoktot.
Joatkkaskuvlaoahppit galget juohke skuvlajagi ohcat nuvttá skuvlasáhtu, beršokeahttá lea go molsun skuvlla vai ii. Go ohcamuš lea registrerejuvvon ja ášši meannuduvvon, de oahppi oažžu eaŋkilmearrádusa ja sáhttoduođaštusa.
Mobillett geavaheapmi eaktuda, ahte oahppis lea iPhone dahje Android smartatelefovdna, ja ahte telefovnnas lea interneahtta. Oahppi galgá fuolahit ahte telefovnnas lea interneahtta dahje Wifi. Wifi galgá doaibmat buot Snelandia ruvttobussiin ja fatnasiin. Ádjána sullii 3-5 beaivvi ovdal go sáhttoduođaštusa sáhttá viežžat mátketelefovnnas, maŋŋil go sáhttoduođaštus lea juolluduvvon. Dás vuollelis oainnát čilgehusa mo sáhttoduođaštusa sajáiduhttát ja geavahat.
Viečča áppa ja sajáiduhte
Oza neahtas "Snelandia Mobillett" ja viečča áppa App Store (iPhone) dahje Google Play (Android) fálus.
Daid boaluid bokte gávnnat áppa:
iPhone Android
Čuovu rávvagiid registreret iežat geavaheaddjin.
Oza iežat sáhttoduođaštusa/bileahta
Du sáhttoduođaštus boahtá automáhtalaččat telefovdnii go iežat leat registreren geavaheaddjin ja go skuvlasáhttu lea juolluduvvon.
Go rabat áppa, de ihtá govva mas oainnát fállolistu bajimusas gurutravddas. Deaddil dan ja vállje molssaeavttu "Mine billetter". Jos sáhttoduođaštus doaibmá, de oaččut bileahta juohke iđida olles skuvlajagi.
Bileahtain beasat mátkkoštit oktii skuvlii ja oktii skuvllas ruoktot gaskal dii. 6:00 – 18:00.
It go leat vel ožžon sáhttokoartta dahje iigo iđe bileahtta Snelandia Mobilett-áppas vel?
-
Oahppit geat leat ožžon nuvttá skuvlasáhttu, muhto eai leat vel ožžon sáhttokoartta, sáhttet gaskaboddosaččat geavahit mearrádusreivve sáhttoduođaštussan. Dat gusto maid ohppiide geat leat vuordimin bileahta Snelandia Mobillett-áppas, dahje geat leat massán sáhttokoartta ja leat vuordimin ođđa.
Mearrádusreivve gusto dohkálaš duođaštussan maid sáhttá vuoddjái dahje dárkkisteaddjái čájehit dassái go ođđa sáhttokoarta dahje bileahtta Snelandia Mobillett-áppii ihtá.
Busses dahje fatnasis
Go manat skuvlabussii dahje fatnasii, de galggat:
1. Gávdnat mobileahta ovdal go lávket bussii/fatnasii.
2. Čájehit bileahta bussevuoddjái/fanasbargái dahje logahit koartta bileahttamašiinnas.
Boarásmuvvan bileahtta
Bileahtta ii gusto šat maŋŋil dii. 18:00. Dalle čuožžu bileahtas «UTLØPT», ja dan ii sáhte šat geavahit. Ođđa bileahtta boahtá telefovdnii maŋit skuvlabeaivvi iđđedis.
Jos molssut mátketelefovnna
Fuomáš fal ahte jos mátketelefovnna molssut, dahje SIM-koartta sirddát nuppi mátketelefovdnii, de fertet ođđasit logget sisa áppai. Jos dan it daga, de it oaččo ođđa bileahta maŋit beaivvi. Muđui čujuhat áppa-njuolggadusaide, ja dat lea geavaheaddji ovddasvástádus fuolahit ahte bileahtta doaibmá go boahtá bussii.
Lea vejolaš rievdadit sáhttokoarttas mobilehttii dahje nuppe láhkai.
- Jos háliidat rievdadit mobileahtas kortii, de dárbbaša koartabuvttadeaddji sullii 1-2 vahkku dan ráhkadit, ja koarta sáddejuvvo skuvlii. Bálvalusmáksu lea 50 ruvnno ja dat ferte máksojuvvon ovdal go koarta sáddejuvvo dutnje. Sáhtát geavahit mearrádusreivve sáhttoduođaštussan dassái go koartta oaččut.
- Jos háliidat rievdadit sáhttokoarttas mobilehttii, de ádjána sullii 3-5 beaivvi ovdal go dan sáhttá sajáiduhttit Snelandia Mobillett áppii "Mine billetter".
Dieđit midjiide jus siđat rievdadit sáhttoduođaštusa: post@snelandia.no.
Jos leat massán sáhttokoartta dahje dat lea billistuvvon, de sáhtát diŋgot ođđa mis: post@snelandia.no.
Mii buhtadit massojuvvon sáhttokoartta 50 ruvnnosaš bálvalusmávssu ovddas. Fylkkagielda sádde rehkega maŋŋá go leat ožžon diŋgojumi e-poastta bokte. Koarta sáddejuvvo go leat máksán bálvalusmávssu.
Ádjána gaskal 1-2 vahku diŋgojumis dassái go oahppi oažžu ođđa koarta. Sáhtát geavahit mearrádusreivve sáhttoduođaštussan dan botta go vuorddát.
Sámegillii ođasmahttojuvvon 15.01.2026
Samisk versjon oppdatert 15.01.2026