Geassebileahtain beasat johtit ruossut doarrás Norgga stuorimus fylkkas (75 000 njealjehaskilomehter) áigodagas geassemánus-borgemánu lohppii, ja lea dat vuosttaš bileahtta mii gusto ovddeš fylkkarájáid rastá. Almmolaš sáhttofálaldagat leat guoddevaččat, hálbbi ja don oahpásmuvat sihke olbmuide ja lundui.
Jođe nu ollu go áiggut čieža beaivvis
Geassebileahtta gusto čieža beaivvi dan rájes go oastát bileahta. Mánát gaskal 0-5 jagi mátkkoštit nuvttá jos čuvvot ollesolbmuid. Geassebileahta sáhttá oastit geassemánu rájes gitta borgemánu lohppii.
Gávdno dušše áppas
Geassebileahta sáhttá oastit dušše Snelandia Mobillett áppas dahje Romssa Billett áppas, ja dat gusto miehtá fylkka beroškeahttá áppas maid geavahat. Bileahtta gusto Snelandia ja Romssa fylkkajohtolaga bussiin ja leaktofatnasiin. Fearggat leat nuvttá sidjiide geat mátkkoštit biilla haga (earret Rullitvuona (Gryllefjord) - Ánddasullo feargajohtolagas ja sulluide Vengsøy olggobealde.
Juogat iežat vásáhusaid
Mii ávžžuhat buot mátkkošteddjiid juogadit iežaset vásáhusaid #sommerbilletten bokte sosiála mediain, nu ahte earát geat maid mátkkoštit Sommerbilletten/ Geassebileahtain ožžot evttohusaid buriid vásáhusaide Romssas ja Finnmárkkus.
Ovttasbargu
Sommerbilletten dahje Geassebileahtta lea ovttasbargu gaskal Romssa fylkkajohtolaga ja Snelandia, maid Romssa ja Finnmárkku fylkkasuohkan vástida ja Davvi-Norgga mátkeealáhusa. Prošeakta čađahuvvui vuosttaš geardde geassit 2021.
Sommerbilletten/Geassebileahtain beasat johtit čieža beaivvi dan rájes go bileahta oasttát ja buot bussiid ja fatnasiid mielde maid Romssa fylkkajohtolat ja Snelandia doaimmahit. Bileahtta gusto maid diŋgonfálaldahkii Flexx, muhto dasa ii gula biila maid fievrridat feargga mielde.
Sommerbilletten/Geassebileahtta ii dáhkit saji mátkkošteaddjái earret Romssa fylkkajohtolaga busses 100 Narviikka-Romssa gaskkas ja busses 150 Romssa-Álttá gaskkas. Sadjedáhkádusa leaktofatnasii 2, mii johtá Romssa-Finnsnes-Hársták gaskka sáhttá oastit tromskortet.no neahttabáikkis. Dábálaččat lea buorre sadji buot eará sáhtuin.
Jos dus lea ollu gálvu mielde, de soaittát šaddat máksit daid ovddas. Loga eanet dáppe. Diŋgonsáhtuin (Flexx ) sáhttá leat ráddjejuvvon gálvosadji, nu go muhtun mátkkiin maid dábálaš droššet vudjet.
Mátkkošteaddjit sáhttet váldit mielde mánávovnna ja sihkkela jos lea sadji busses dahje fatnasis. Mánávovnna ovddas ii dárbbaš máksit bileahta, muhto sihkkela ovddas gal ferte máksit bileahta ja eará stuora gálvvuid ovddas, ja bileahta galgá oastit áppas.
Mii eat leat geatnegahtton fievrridit elliid earret oahpistanbeatnaga ja politiijabeatnaga. Allergiijadávdda ferte váldit vuhtii ja danne ii leat lohpi fievrridit guolgaelliid (beatnaga, bussá jna.) Romssa fylkkajohtolaga bussiin 100-160 dahje váldit daid mielde fearggaid ja leaktofatnasiid beaivelatnjii ja čohkkánsajiide.
Geavat mátkeplánareaiddu tromskortet.no dahje snelandia.no neahttasiidduin go áiggut mátkki plánet, dahje viečča Troms Reise áppa dahje Snelandia Reise áppa.
Gávnna miellagiddevaš mátkkoštanbáikkiid ja galledanbáikkiid dáppe
nordnorge.com
Bearalmátki (Perletur)
UT.no
utemagasinet.no
visitnorway.no
Govva: Roger Johansen_pexels