Dat gusto buot Finnmárkku vuođđoskuvllaide ja beroškeahttá das makkár sáhttu dárbbašuvvo; busse, fanas, iežas fievru dahje drošše.
Deavdde čuovvovaš skovi ja sádde skuvlii jos háliidat ohcat skuvlasáhtu:
Mana ohcanskovvái
Oahppit geat ohcet nuvttá skuvlasáhtu doaibmahehttehusaid geažil fertejit addit dearvvašvuođaduođaštusa oktan ohcamušain. Duođaštus ii sáhte boarraset go 3 mánu.
Dearvvašvuođaduođaštusskovvi
Maŋŋil go skuvla lea oahppi sáhttodárbbu registreren, de meannuduvvo ohcamuš automahtálaččat dahje dat sáddejuvvo fylkkagildii vai gildii áššemeannudeapmái. Go ášši lea gárvásit meannuduvvon, de oažžu oahppi eaŋkilmearrádusa mii dáhkida ahte sutnje lea juolluduvvon dahje ii juolluduvvon nuvttá skuvlasáhttu.
Borgemánu 18. b 2025 rájes lea skuvlasáhttoohcamušaid meannudanáigi sullii golbma vahku.
Buot ollesolbmot vuođđoskuvlaoahpahusas fertejit ohcat nuvttá skuvlasáhttu juohke skuvlajagi.
Fárren
Jos oahppi fárre eará báikái ja deavdá nuvttá skuvlasáhttoeavttuid, de galgá son deavdit ođđa ohcanskovi ja fuolahit dan skuvlii. Jos oahppi sáhttovuoigatvuohta loahpahuvvo fárrema geažil, de galgá dat dieđihuvvot skuvlii gos sus lei sáhttovuoigatvuohta.
Ovddasvástádus
Lea oahppi geatnegasvuohta fuolahit ahte skuvlasáhtu ohcandieđut leat riekta. Son lea geatnegahtton addit dieđu skuvlii jos dilálašvuođa rievdadeapmi váikkuha ohcandieđuide. Boasttudieđut sáhttet mielddisbuktit ahte oahppi šaddá ekonomalaččat vástidit goluid dan oktavuođas.
Sámegillii ođasmahttojuvvon 15.01.2026
Samisk versjon oppdatert 15.01.2026