Ohcat skuvlasáhtu

Ohcanáigemearit skuvlajahkái 2022-2023:

Skuvlasáhttoohcan galgá registrerejuvvot ovdal borgemánu 1.b. 2022 jos oahppái galgá juolluduvvot skuvlasáhttu vuosttaš skuvlabeaivvi rájes. Jos skuvlasáhttu ohccojuvvo maŋŋil mearriduvvon áigemeari, de fertejit oahppit ja váhnemat/ovddasteaddjit ieža máksit skuvlasáhttogoluid dassá go nuvttá skuvlasáhttoohcan meannuduvvo.

Joatkkaskuvlaoahppit fertejit juohke skuvlajagi ohcat nuvttá skuvlasáhtu.

Buot oahppit, geain lea vuoigatvuohta skuvlasáhttui galget ohcat nuvttá skuvlasáhtu. Ohcamis čilgejuvvo oahppi sáhttodárbu ja vejolašvuohta geavahit almmolaš sáhttofálaldaga nu go ruvttobusse dahje fatnasa ruovttu ja skuvlla gaskka.

Ohcanskovvi ohppiid várás geat geavahit almmolaš sáhttofálaldaga skuvlii ja ruovttoluotta ruoktot.

Oza skuvlasáhtu dáppe

Dát dáhpáhuvvá viidáseappot:

Maŋŋil go ohcan lea registrerejuvvon, de meannuduvvo ohcan automáhtalaččat dahje fylkkasuohkana áššemeannudeaddjis.
Maŋŋil go ohcan loahpalaččat lea meannuduvvon, oažžu oahppi mearrádusreivve mii čájeha lea go nuvttá skuvlasáhtu juolluduvvon vai ii.
Oahppi sáhttá mearrádusreivve geavahit sáhttoduođaštussan go geavaha almmolaš sáhttofálaldaga dassái go oažžu dohkálaš sáhttoduođaštusa.

Ohcanskovvi ohppiid várás geat eai sáhte geavahit almmolaš sáhttofálaldaga skuvlii ja ruovttoluotta ruoktot.

Skuvlasáhttoohcan go oahppi mátkkošta droššiin dahje iežas fievrruin.

Dát dáhpáhuvvá viidáseappot:

Go ohcanskovvi boahtá oahppi skuvlii, de sáddejuvvo dat fylkkasuohkana áššemeannudeaddjái gieđahallamii.
Maŋŋil go ohcan loahpalaččat lea meannuduvvon, oažžu oahppi mearrádusreivve mii čájeha lea go nuvttá skuvlasáhtu juolluduvvon vai ii.
Jos oahppái lea juolluduvvon skuvlasáhttu drošše mielde, de galgá skuvla dahje fylkkasuohkan addit oahppái dieđu skuvlaálgima ja ruvttoáiggiid birra.

Oahppit, geat ohcet skuvlasáhtu áigemeari maŋŋil, fertejit rehkenastit ahte sáhttá ádjánit unnimusat 14 beaivvi ohcama meannudit. Oahppi ferte ieš máksit sáhttogoluid dassái go skuvlasáhttu juolluduvvo.

Fárren

Jos oahppi gii lea ožžon nuvttá skuvlasáhtu fárre eará báikái ja deavdá nuvttá skuvlasáhttoeavttuid ođđa ássančujuhusas, de ferte son ođđasis ohcat skuvlasáhtu. Jos oahppis fárrema maŋŋil ii leat šat vuoigatvuohta skuvlasáhttui, de galgá son dan dieđihit skuvlii.

Ovddasvástádus

Lea oahppi dahje ovddasteaddji/váhnema ovddasvástádus ahte skuvlasáhtu ohcandieđut leat riekta. Sii galget maid addit dieđu skuvlii dahje fylkkasuohkanii jos ohcandieđut rievdaduvvojit. Oahppis dahje ovddasteaddjis/váhnemis lea ekonomalaš ovddasvástádus goluide jos ohcamis leat boasttudieđut.

Almmuhuvvon 01.09.2021 12.16

Maŋemusat rievdaduvvon 10.10.2025 10.39