Snelandia birraDás gávnnat dávjá jerrojuvvon gažaldagaid!Mii lea Snelandia?Snelandia lea Finnmárkku almmolaš sáhttofálaldaga namma. Gálvomearka geavahuvvo márkanfievrridit ja čalmmustahttit fylkka oppalaš almmolaš sáhttofálaldaga.Min lohpádus geavaheaddjiide: dasgo mii leat fylkka iežas kollektiivabálvalus mii geahpida johtima.Finnmárkku kollektiivajohtalusa organiserenFinnmárkku fylkkagielda (ruktoeaiggát), oktan sullii 15 iešguđet operatevrraiguin geat doaimmahit busse- ja fanasjohtolaga, dagahit Snelandia. Lea kollektiivajuogus fylkkagieldda johtalusossodagas geas lea ovddasvástádus plánet ja ovdánahttit kollektiivafáladaga, ja vel Snelandia gálvomearkka hálddašit.BálvalusatSnelandia-namas mii fállat fievrrideami busse, fearjja, leaktofatnasa ja diŋgonmátkki mielde.Fálaldat fátmmasta earret eará gávpotbussiid Álttás, Hámmerfeasttas, Honetvágis, Girkonjárggas ja Čáhcesullos, skuvlasáhtu miehtá Finnmárkku, ekspressbussiid gaskal gávpogiid ja gilážiid, ja vel fanasruvttuid geaidnokeahtes giilážiidda. Jahkásaččat čađahuvvojit birrasii 1,7 miljovnna Snelandia-mátkki Finnmárkkus.Dás vuolábealde gávnnat eambbo gažaldagaid ja vástádusaid! Sávvat ahte lea čielggadahtti. Dávjá jerrojuvvon gažaldagat Snelandia birraMii lea Snelandia áigumuš?Mátkkošteaddjit galget dárbbašit dušše ovtta nama muitit ja dovdat go johtet álmmolaš sáhttofálaldagain Finnmárkkus, beršokeahttá guhte busse- dahje fanasfitnodat doaimmaha ruvtto. Gii mearrida bussiid ja fatnasiid ruvttoáiggiid?Fylkkagielda mearrida goas ja gos busset ja fatnasat vudjet, ja vállje fievrridanoperatevrraid almmolaš fálaldatgilvvu bokte. Lea maid fylkkagielda guhte mearrida sáhttofálaldaga hattiid. Gos gávdno ođasmahttojuvvon diehtu ruvttoáiggiid ja -rievdademiid birra?Mii almmuhat dađistaga artihkkaliid ruvttorievdademiid birra iežamet neahttabáikkis, snelandia.no. Muđui sáhtát čuovvut mielde mátkeplánareaiddus, nationála mátkeplánareaiddus entur.no dahje áppas Snelania Mátki. Gávdno maid bajilgovva maŋŋonemiid, spiehkastemiid ja eará rievdademiid birra kollektiivajohtolagas min Johtalusdieđáhusat-siiddus. Mo Finnmárkku fylkkagielda gieđahallá busse- ja fanasfálaldagaid (anbud)?Fylkkagielda ráhkada fálaldaga, vállje ja čuovvula iešguđet fitnodagaid. Lea maid fylkkagielda gii ráhkada ruvttofálaldaga fylkkadikki polithkkáriid vuoruhemiid vuođul.Gii doaimmaha ruvttuid?Mii dáhpáhuvvá maŋŋá go busse- dahje fanasfálaldat vuoitá? Operatevrrat čađahit iešalddis dan fievrridanbálvalusa, mii maid fátmmasta ávdnasiid oastima ja divodeami, mat dárbbašuvvojit mátkkošteaddjiid fuolahit (diehtojuohkin, bileahttaid vuovdit, gieđahallat váidagiid ja láhppon gálvvuid). Golbma operatevrra doaimmahit dál busseruktoavádagaid:Boreal Buss AS vuodjá nuorta ruvttoguovllus, ja doaimmaha ruvttofálaldaga Bearalvági, Báhcavuona, Unjárgga, Mátta-Várjjaga, Deanu, Čáhcesullo ja Várggáid gielddain. Tide Buss AS vuodjá gaska ruvttoguovllus, ja doaimmaha ruvttofálaldaga Hámmerfeasttas, Porsáŋggus, Kárášjogas, Davvinjárggas, Muosáin, Davvesiidas ja Gáŋgaviikas.Connect Bus AS vuodjá oarjji ruvttoguovllus, ja doaimmaha ruvttofálaldaga Álttás, Láhpis ja Guovdageainnus, ja vel ruvtto mii vuolgá Storslett terminálii Romssas. MIn operatevrrat dárbbašit muhtomin bussevuoddjiid! Loga lasi dán artihkkalis.Guokte operatevrra doaimmahit dál fanasruvttuid:Boreal Sjø AS doaimmaha leaktofanasruvttuid, ja vel fearjjaruvttuid 500 (Øksfjord–Hasvik)/(Ákšovuotna - Ákŋoluokta), 510 (Øksfjord–Tverrfjord)/(Áksošvuotna - Doaresvuotna), ja 502 (Øksfjord–Sør-Tverrfjord)/(Ákšovuotna - Bártnatvuotna)Torghatten Nord AS doaimmaha fearjjaruvttuid 550 (Korsfjord–Nyvoll)/(Fielvuonna - Gárgu) ja 560 (Akkarfjord–Kjerringholmen)/(Áhkarvuotna-Ánnásuolu).Mo sáhtán geavahit Snelandia-áppa mátkkoštit ja bileahta oastit?Sáhtát viežžat Snelandia Mátki (mátkeplánareaiddu) ja Snelandia Mobillett (bileahta) sihke iPhone:ii ja Android:ii! Lea maid vejolaš geavahit min mátkeplánareaiddu neahta bokte. Leat čállán artihkkala eambbo dieđuiguin Snelandia Mátki-áppa birra, geahča dá! Háliidivččet go busse vuodjit Finnmárkkus?Min operatevrrat leat dál ohcamiin bussevuoddjiid geat máhttet Finnmárkkus vuodjit! Jus loavttát “rabas bargolanjas”, siđat buori penšuvdnasoahpamušaid, sihkkaris bálkká, ja barggus beassat návddašit Finnmárkku čappa oidnolaga - geahča dá!👇🏻 Sámegilli ođasmahttojuvvon 04.03.2026Samisk versjon oppdatert 04.03.2026 Almmuhuvvon 11.10.2021 14.00 Maŋemusat rievdaduvvon 23.03.2026 10.28