Ovdalgihtii diŋgot

Suoidnemánu 21. beaivvi rájes ii leat vejolaš ovdalgihtii diŋgot saji dábálaš biillaide. Dás oainnát ođasmahttojuvvon dieđuid ortnega birra ja ADR-vuolgagiid bajilgova fievrruid várás main leat várálaš gálvvut.

En ferge til kai på sommerstid. Det er flere biler og trailere i fergekøen. Havet er klart, det er blå himmel og sola skinner. - Deaddil ja stuora govva ihtáFearja Ákšovuona káijas, Láhpis Oarje-Finnmárkkus. Sunniva Tønsberg Gaski/FFK

Sivva lea go lea váttis čađahit ovdalgihti diŋgojumi ortnega buori láhkai go johtalus lassána geassit. 

Fearjakáijas dávjá ii leat sierra ráidu biillaide guđet leat ovdalgihtii diŋgon saji, ja go fearjakáijat devvet de lea váttis dáid sirret eará biillain. 

Ovdalgihtii diŋgonortnet bissehuvvo gaskaboddosaččat fuolahan dihte ahte fearjjat sáhttet doalahit ruvttoáiggi geasi mielde.

  • Finnmárkku fylkkagielda árvvoštallá ovttas doaimmaheaddjiin mo sáhttit buoridit ovdalgihtii diŋgonortnega. Mii ođasmahttit dán siiddu go lea gearggus. Giitu áddejumis, ja buorre mátki!

Diŋgojumit dahkkon ovdal suoidnemánu 21. beaivvi ain gustojit. 

ADR

Čuovvovaš vuolgagat leat várrejuvvon fievrruide main leat várálaš gálvvut (ADR) ovdalgihtii diŋgojupmái:

Vuossárga, gaskavahkku ja duorastat:

  • Ákšovuonas – Ákŋoluktii (Øksfjord – Hasvik) dii. 08:15
  • Ákŋoluovttas - Ákšovutnii (Hasvik – Øksfjord) dii. 15:00

🚌Pláne mátkki buori áiggis

Mii ávžžuhit geavahit mátkeplánareaiddu ođasmahttojuvvon dieđuid oažžut – dahje viežžat Snelandia Mátki-áppa oaidnin dihtii ruvttoáiggiid mátkkoštettiin. Geahča Snelandia veahkkefilmmaid dás. Sáhtát maid geavahit nationála mátkeplánareaiddu Entur.no.

Sáhtát čuojahit ruktodiehtui tel.nr. 177, kunddarbálvalussii tel. nr. 75 77 18 88 – dahje e-postii: post@snelandia.no.

Sámegillii ođasmahttojuvvon 03.08.2026
Samisk versjon oppdatert 03.08.2026

Almmuhuvvon 23.07.2024 10.00
Maŋemusat rievdaduvvon 03.08.2026 12.06