1. Álgoeavttut
1.1. Dát šiehtadus fátmmasta bálvalusa geavaheami dainna áigumušain ahte kunddar addá iežas bargiide/miellahtuide vejolašvuođa oastit bileahta kollektiivamátkkiide mobiláppa «Snelandia Mobillett» ja Snelandia neahttagávppi bokte gos sáhttá válljet máksinvuogi nu ahte Kunddar máksá bileahttagoluid.
1.2. Šiehtadus addá Snelandiai vuoigatvuođa sáddet rehkega Kundarii dađistaga go Kundara bargit/miellahtut ostet bálvalusaid bileahta-áppas dahje neahttagávppis. Rehket sáddejuvvo Kundara organisašuvdnanummirii čatnon rehketčujuhussii.
1.3. Kunddar lea geatnegahtton čuovvut Snelandia lágideaddjiid gustovaš njuolggadusaid go sáddejit rehkega. Rehkegis čujuhuvvo gustovaš njuolggadusaide ja eavttuide.
2. Šiehtadusáigodat ja eretcealkin
2.1. Šiehtadus gusto go lea vuolláičállon ja Snelandiai geigejuvvon, ja go Snelandia lea duođaštan ahte čovdosa sáhttá álgit geavahit.
2.2. Kundaris lea álo vuoigatvuohta cealkit eret šiehtadusa Snelandiain guokte mánu dieđáhusain. Eretcealkin galgá dahkkot čálalaččat e-poastačujuhussii post@snelandia.no.
2.3. Snelandias lea vuoigatvuohta ovttatmanu heaittihit šiehtadusa jus Kunddar rihkku geatnegasvuođaidat šiehtadusa olis mearkkašahtti.
2.4. Snelandia sáhttá cealkit eret Kundara šiehtadusas 2 mánu čálalaš dieđáhusain jus Snelandia heaittiha dahje rievdada bálvalusa sakka dahje jus eará sivaid geažil ii leat šat vejolaš doalahit Šiehtadusa.
3. Diehtu gálvvu birra
Go bálvalus lea almmolaččat lágiduvvon, de Snelandia galgá fuolahit ahte buot dárbbašlaš dieđut bálvalusa geavaheami hárrái iežaset neahttasiiddus leat ođasmahttojuvvon.
4. Šiehtadusa rievdadeapmi
Snelandia sáhttá rievdadit ja/dahje muddet šiehtadusa dieđitkeahttá erenoamážit. Gustovaš šiehtaduseavttut gávdnojit Snelandia neahttasiiddus. Mearkkašahtti rievdadusat almmuhuvvojit dahje sáddejuvvojit čálalaččat Kunddarii.
5. Persondieđut
5.1. Snelandia perondieđuid gieđahallama ulbmil “Bedriftsportal” čovdosis lea fállat kundara bargiide/miellahtuide álkes ja oadjebas máksinvuogi go mátkkoštit kollektiivasáhtuin, láhčit dili beaktilis kunddarčuovvuleapmái ja fuolahit ahte dárkkisteaddjit besset iskat lea go bileahtta gustovaš.
5.2. Lea eaktodáhtolaš Kundara bargiide/miellahtuide geavahit bálvalusa, muhto jus bargi/miellahttu ii háliit persondieđuid registreret de ii sáhte geavahit bálvalusa. Gávnnat lasi dieđuid Snelandia personsuodjalanjulggaštusa birra dás: billett.snelandia.no/privacypolicy
5.3. Snelandias lea dárbu gieđahallat bargiid/miellahtuid persondieđuid vai sáhttit fállat bálvalusa kundara bargiide/miellahtuide dán šiehtadusa olis, vrd. Personvernforordningens artikkel 6 nr. 1 b).
5.4. Mii gieđahallat čuovvovaš persondieđuid go bargi/miellahtu geavahišgoahtá bálvalusa:
Mobilnummira: Geavahit áppa “Snelandia Mobillett” gáibida ahte bargi/miellahtu registrere geavaheaddjiprofiila mii čatno Kundarii. Bargi/miellahtu guhte ráhkada geavaheaddjiprofiila galgá iežat mobilnummira registreret ja ráhkadit beassansáni. Nama: Buot bargit/miellahtut guđet áigot bálvalusa geavahit galget iežaset nama registreret. Namma ihtá mobiláppas ja neahttagávppis go lea registreren. Namma oidno rehkegis guhte sáddejuvvo Kundarii.
E-poastačujuhusa: Geavahit Snelandia neahttagávppi gáibida ahte bargi/miellahtu registrere geavaheaddjiprofiila mii čadno Kundarii. Bargi/miellahtu guhte ráhkada geavaheaddjiprofiila galgá iežat e-poastačujuhusain registreret ja ráhkadit beassansáni.
Sámegillii ođasmahttojuvvon 01.07.2026
Samisk versjon oppdatert: 01.07.2026