Ovdalgihtii diŋgot

Min fearjjamátkkiin 500, 510 ja 520 lea vejolaš diŋgot ovdalgihtii giitta 12 personbiillasaji.

Ovdalgihtii diŋgojupmi máksá rievttimielde, váikko lea nuvttá fearjjain mátkkoštit, muhto diŋgondoaimmaheaddji ii leat vel sajis. 

Danne fertet unnimusat beaivvi ovdalgihtii diŋgot, válddedettiin oktavuođa fanasfitnodagain gaskal dii. 10:00-11:00 ja dii. 16:00-17:00 árgabeivviid, ja gaskal 18:00-19:00 vahkkoloahpaid.

  • Ruvtto 500: tel. 947 95 651 (MF «Husøy»)
  • Ruvttuid 510 ja 520: tel. 482 62 856 (MF «Bergsfjord») 

  •  Mii hásttuhit doahttalit dáid áigemeriid johtti fatnasa sihkarvuođa geažil. Ollu giitu!

Máŋga biilla vulget stuora fatnasis, govvejuvvon geasset, lea obbadálki. - Deaddil ja stuora govva ihtáGovádus: Ákšovuona fearjakáija Láhpi suohkanis, Oarje-Finnmárkkus. Sunniva Tønsberg Gaski/FFK

Buvtte čuovvovaš dieđuid go siđat ovdalgihtii diŋgot:

  • Mátkkoštanbeaivemeari
  • Mátki (gos/gosa ruvtto vuolgá ja galle áigge mátki lea)
  • Iežat fievrru nama/guhkkodaga/ivnni (omd. VW Golf/6m/alit)
  • Galbanummira
  • Goallosvovnna Jo/Ii

Oaččut máhcahaga fanasfitnodagas lea go sadji dan vuolgagis.

Ovdalgihtii diŋgojumi áigemearri lea beaivvi ovdal.

Fertet boahtit unnimusat 30 minuhta ovdal vuolgaga amas manahit iežat saji earáide geat leat vuordimin saji. 

Áiggi mielde šaddá sierra merkejuvvon fearjaraidu ovdalgihtii diŋgojuvvon biillaide fearjakáijaide Ákšovuonas ja Ákŋoluovttas. 

ADR

Čuovvovaš vuolgagat leat várrejuvvon fievrruide main lea várálaš gálvvut (ADR) ovdalgihtii diŋgojupmái:

Vuossárga, gaskavahkku ja duorastat:

  • Ákšovuonas - Ákŋoluktii dii. 08:15
  • Ákŋoluovttas - Ákšovutnii dii. 15:00

Dušše fal ADR-fievrrut vuoruhuvvojit dáid mátkkiin. 

Dehálaš diehtu ovdalgihtii diŋgojumi hárrái!

Fatnasa kapasitehta soaitá ráddjejuvvot dálkkiid, várálaš gálvvuid fievrrideami ja sullásaččaid geažil. Sáhttá maid dáhpáhuvvat ahte lohkat diŋgojumiid boastut dahje rehkenastit kapasitehta boastut. Jus dat dáhpáhuvvá de eat sáhte dáhkidit dutnje saji, vaikko leat ovdalgihtii diŋgon. 

Sámegillii ođasmahttojuvvon 30.06.2026
Samisk versjon oppdatert 30.06.2026

Almmuhuvvon 23.07.2024 10.00
Maŋemusat rievdaduvvon 30.06.2026 10.48