Sunniva Tønsberg Gaski/FFK
Fertet ieš fuolahit ahte bileahtta gusto olles mátkki. Jos dus lea vuoládusbileahtta, de fertet čájehit legitimašuvnna.
Skuvlakoarta lea dohkálaš bileahtta skuvlaohppiide geain lea nuvttá skuvlasáhttu.
Beroškeahttá makkár bileahtta dus lea, de lea baggu čájehit almmolaš dohkkehuvvon legitimašuvnna go lea agi dahje doaibmavádjitvuođa geažil vuoládusbileahta dahje honnørbileahta.
Jos olmmoš gii ii sáhte okto mátkkoštit doaibmahehttehusaid geažil, de beassá mieđušteaddji nuvttá mátkkoštit Snelandia fievrruiguin.
Divat
Jos bileahttadárkumis it sáhte čájehit gustovaš bileahta, Snelandia-koartta dahje Snelandia Mobillett, de gáibiduvvo duppal bileahttahaddi mátkki ovddas, unnimusat 750 kruvnnu.
Dohkketmeahttun bileahtat duoguštuvvojit. Fertet máksit 1500 kruvnnu jos verrošat bileahtain/koarttain. Bileahttaverrošeapmi lea láhkarihkkun, ja sáhttá ráŋggáštuvvot Ráŋggáštuslága §403 vuođul.
Dohkálaš legitimašuvdna
Buohkat leat geatnegahtton čájehit legitimašuvnna jos gáibidit vuoládusa agi, bálvalusgeatnegasvuođa, bargonávccahisvuođa, doaibmahehttehusaid geažil, ja jos fertejit váldit mielde mieđušteaddji. Dohkálaš legitimašuvdna lea:
- Vuodjinkoarta
- Pássa
- Báŋkokoarta govain dahje Poastta ID-koarta
- Soalddáhat galget čájehit dohkálaš militearabálvalusduođaštusa/Militeara ID-koartta
- Vuollel 67 jahkásaččat geat ožžot bargonávccahisvuođaoaju, galget čájehit legitimašuvnna maid NAV/oadjokantuvra lea dohkkehan.
- Čalmmeheamit galget čájehit legitimašuvnna maid Norgga Čalmmehemiidlihttu lea dohkkehan.
- Mieđušteaddji galgá čájehit mieđušteaddjiduođaštusa (maid dábálaččat oažžu gielddas/suohkanis)
Fertet oastit dievashaddebileahta jos dus ii leat dohkálaš legitimašuvdna deavdit vuoládusbileahttaeavttuid. Haddeerohus ii máksojuvvo ruovttoluotta maŋŋil.
Sámegillii ođasmahttojuvvon 16.01.2026
Samisk versjon oppdatert 16.01.2026