Ohcat skuvlasáhtu

Mana ohcanskovvái

Borgemánu 18. b 2025 rájes lea skuvlasáhttoohcamušaid meannudanáigi sullii golbma vahku. 

FSkyss lea fylkkagieldda diehtovuođđu meannudeami várás ja gos registreret ohppiid geain lea vuoigatvuohta nuvttá skuvlasáhtui.

Ohcamuš dábálaš skuvlasáhttui kollektiivafievrridemiin 

Joatkkaskuvlaoahppit geain lea eambbo go 6 kilomehter gaskal skuvlla ja ruovttu galget ieža registrerer sáhttodárbbu FSkyss bokte. Maŋŋil go ohcan lea registrerejuvvon,  de meannuduvvo ohcan automáhtalaččat dahje fylkkagieldda áššemeannudeaddjis. Maŋŋil go ohcan loahpalaččat lea meannuduvvon, oažžu oahppi eaŋkilmearrádusa mii duođašta sáhttovuoigatvuođa. 

1. Mana https://skole.snelandia.no.
2. Váljje molssaeavttu «ELEV» siisaeassamii 
3. Vállje «LOGG INN MED ID-PORTEN» ja čuovo bagadusa
4. Go leat beassan siisa de ihtá bajilgovva mii čajeha ovddeš ohcamušaid. Vállje «SØK OM SKOLESKYSS» registreren dihte ođđa sáhttodárbbu.
5. FSkyss de automahtálaččat gávdná du skuvllá VIGO bokte. Jus vuogádat ii nagot skuvllat gávdnat, de fertet ieš gávdnat skuvlla manuálalaččat. Vállje «SØK MANUELT» dahje «SØK FOR PRIVATSKOLE» jus váccát priváhtaskuvlla.
6. Vállje skuvllat fálus jus fertet manuálalaččat gávdnat skuvlla. 
7. Váljje makkár oahppoprográmma váccát.
8. Váljje makkár čujuhusas áiggut sáhtu. Sáhtát válljet álbmotregisttarii čálihuvvon čujuhusa dahje eará čujuhusa. Jus válljet čujuhusa mii ii leat álbmotregisttaris, de soaitá fertet duođaštit dán čujuhusa. 
9. Loga ohcamuša čađa ja deaddil «SEND INN SØKNAD» registreren dihte sáhttodárbbu.
10. Geahča ohcamušaid stáhtusa iešhálddašanportálas. Jus válljejit skuvlla manuálalaččat, de čuožžu vuordimin duođaštusa dassái go skuvla duođašta ahte leat oahppi dan skuvllas. 

Muhtomiin ii leat oahppis vejolašvuohta ieš sáddet ohcamuša FSkyss bokte. Dalle ferte oahppi váldit oktavuođa skuvllain, gii de fuolaha ahte ohcamuš registrerejuvvo. 

Ohcamuš ohppiid várás geain lea dárbu heivehuvvon fievrrideapmái

Oahppit geat ohcet skuvlasáhttu doaibmahehttehusaid vuođul fertejit sáddet devdojuvvon deavvašvuođaduođaštusa skuvlii, gi dee registrer skuvlasáhtto-ohcamuša. Dođaštus ii sáhte boarraset go 3 mánu. 

Dearvvašvuođaduođaštusskovvi (PDF, 197 kB)

Fárren

Jos oahppi gii lea ožžon nuvttá skuvlasáhtu fárre eará báikái ja deavdá nuvttá skuvlasáhttoeavttuid ođđa ássančujuhusas, de ferte son ođđasit ohcat skuvlasáhtu. Jos oahppi vuoigatvuohta skuvlasáhttui nohká, de galgá son dan dieđihit fylkkagildii. 

Ovddasvástádus

Lea oahppi ovddasvástádus  ahte skuvlasáhtu ohcandieđut leat riekta. Sii galget maid addit dieđu skuvlii jos ovddeš registerejuvvon ohcandieđut rievdaduvvojit. Oahppis  lea ekonomalaš ovddasvástádus goluide jos ohcamis leat boasttudieđut.    

Sámegillii ođasmahttojuvvon 05.12.2025
Samisk versjon oppdatert 05.12.2025