Almmatge lea muhtumin dárbu mátkki heivehit, ja dalle livčče hui buorre jos válddášit oktavuođa ovddalgihtii muitalit makkár dárbbut dus leat. Dábálaččat gávdno čoavddus váikko makkár hástalusaide.
Go busse bissána, de sáhttá bussevuoddji veahkehit du bussii dahje busses olggos jos leat čalmmeheapme dahje dus lea heajos oaidnu, dahje jos dus lea juvlastuollu ja dárbbašat veahki doaibmahehttehusaid geažil.
Jos áiggut fearggain mátkkoštit, de lea dehálaš ahte válddát ovddalgihtii oktavuođa fanasbargiiguin jos dárbbašat veahki fatnasis. Muhtun fearggain lea sierra biilabisánansadji heaissa lahka, ja jos dan háliidat geavahit de fertet ovddalgihtii addit dieđu - juogo čuojahit njuolga fergii, dahje go oasttát bileahta ovdal go fergii boađát. Dat addá fanasbargiide vejolašvuođa buorebut plánet mo sii galget biillaid vuostáiváldit ja fuolahit dutnje heivvolaš saji. Gávnnat fearjjaid oktavuođadieđuid min neahttasiiddus.
Buot min leaktofatnasat leat buohkaide heivehuvvon, muhto livčče buorre jos ovddalgihtii dieđihat jus dus leat erenoamáš dárbbut doaibmahehttehusaid geažil.
Sámegillii ođasmahttojuvvon 11.12.2025
Samisk versjon oppdatert 11.12.2025